गोव्यात मुख्यमंत्री लक्ष्मीकांत पारसेकर पराभूत

मटा ऑनलाइन वृत्त । पणजी

उत्तर प्रदेशात भाजप बहूमताच्या जवळ पोहचत असतानाच गोव्याचा गड मात्र भाजपच्या हातातून निसटताना दिसत आहे. गोव्यात भाजप नेते आणि मुख्यमंत्री लक्ष्मीकांत पारसेकर पराभूत झाल्याने भाजपला मोठा धक्का बसला आहे. या शिवाय सुरुवातींच्या कलांमध्ये काँग्रेसने आघाडी घेतल्याने भाजपच्या हातून गोव्याची सत्ता जाण्याची चिन्हेही दिसत आहेत.

जोरदार चुरस

गोव्यात मतमोजणी अजूनही सुरू असून काँग्रेस आणि भाजपमध्ये सत्तेसाठी जोरदार रस्सीखेच सुरू आहे. मतमोजणीच्या फेरी जसजशा पुढे सरकत आहे तस तसा निवडणुकीचा कल बदलत आहे. मतमोजणीवेळी कधी काँग्रेसचे पारडे जड होताना दिसत आहे, तर कधी भाजपचं पारडं जड होताना दिसत आहे. आतापर्यंतच्या कलानुसार गोव्यात भाजप ११ तर काँग्रेस १३ जागांवर आघाडीवर असल्याचे चित्र आहे. गोवा विधानसभा निवडणुकांचे कल हाती यायला सुरूवात झाली असून अवघ्या काही तासातच गोव्याचे चित्र स्पष्ट होणार आहे.