​ आता ७३६ रुपयांत विमान प्रवास

वी.अय्यपन्न, चेन्नई -

देशातील एखाद्या शहरात फिरायला जाताय? त्यासाठीची तयारी करताय? तर जरा थांबा. गो-एयरच्या विमानाने केवळ ७३६ रुपयांत देशातील कोणत्याही एका शहरात तुम्हाला जाता येणार आहे. तशी ऑफरच गो-एयरने उपलब्ध करुन दिली असून ९ जानेवारी ते ३१ मार्चपर्यंतच या सुविधेचा लाभ घेता येणार आहे.


एयरलाइन्सला टक्कर देण्यासाठी गो-एयरने स्वस्त तिकिटांची ही ऑफर दिली आहे. या ऑफरचा लाभ घ्यायचा असेल तर केवळ २६ नोव्हेंबरपर्य़ंत तिकिट बुकींग करता येणार आहे. त्यानंतर मात्र या सुविधेचा लाभ घेता येणार नसल्याचे कंपनीने स्पष्ट केले. तसेच गो-एयर नेटवर्क्समधून ( गो-एयर वेबसाइट, गो-एयर तिकिटींग काऊंटर्स, गो-एयर कॉल सेंटर आणि ट्रॅव्हल एजंट्स ) तिकिट घेतल्यावरच या ऑफरचा लाभ मिळणार आहे. लहान मुलांचे तिकिट आणि ग्रुप डिस्काऊंट्सला ही ऑफर लागू राहणार नाही. सध्या सुरु असलेल्या प्रमोशनल ऑफरला सुद्धा ही ऑफर लागू राहणार नसल्याचेही कंपनीने स्पष्ट केले आहे.