शुभवार्ता

सरकारी बँका नफ्यात येणार

नवी दिल्ली : सलग चार वर्षे तोट्याची नोंद करणाऱ्या सरकारी बँकांना पुढील आर्थिक वर्षअखेरीस चांगले दिवस येण्याचे संकेत मिळत आहेत. २०१९-२० या आर्थिक वर्षाच्या अखेरीस सरकारी बँकांना २३ ते ३७ हजार कोटी रुपयांचा निव्वळ नफा होण्याची शक्यता आहे, असे आयसीआरए (इक्रा) या आघाडीच्या पतमानांकन संस्थेने म्हटले आहे. सरकारी बँकांसाठी डोकेदुखीचा विषय असणाऱ्या बुडीत कर्जांच्या प्रमाणाबाबतही या अहवालात दिलासादायक अंदाज नोंदवण्यात आला आहे. मार्च २०२० अखेरीस एकूण बुडीत कर्जांचे प्रमाण ८.१ ते ८.४ व निव्वळ बुडीत कर्जांचे प्रमाण ३.५ ते ३.६ टक्क्यांपर्यंत घटेल, असा अंदाज या अहवालात व्यक्त करण्यात आला आहे.