संयुक्त राष्ट्र प्रतिनिधीचा केंद्राकडून निषेध
म. टा. विशेष प्रतिनिधी, नवी दिल्ली
केंद्र सरकारच्या सर्वात जिव्हाळ्याच्या ‘स्वच्छ भारत’ मोहिमेचे प्रतिक ठरलेल्या महात्मा गांधी यांच्या चष्म्याची कुचेष्टा केल्याबद्दल संयुक्त राष्ट्रसंघाच्या विशेष प्रतिनिधीचा केंद्र सरकारने तीव्र निषेध केला आहे.
‘स्वच्छ भारत’ मोहीम संयुक्त राष्ट्रसंघाच्या मानवी हक्कांचे निकष आणि तत्त्वांना अनुसरून नसल्याचे मत संयुक्त राष्ट्रसंघाचे विशेष प्रतिनिधी लिओ हेलर यांनी अहवालात नमूद केले आहे. ‘स्वच्छ भारत’ मोहिमेसाठी महात्मा गांधी यांच्या चष्म्याऐवजी आता मानवी हक्कांचा चष्म्याचा अवलंब करण्याची वेळ आली असल्याची टिप्पणी त्यांनी केली आहे.
महात्मा गांधी यांचा अवमान करणाऱ्या हेलर यांच्याविरुद्ध केंद्र सरकारने शुक्रवारी तीव्र आक्षेप नोंदविला. राष्ट्रपिता महात्मा गांधी यांनी जीवनभर स्वच्छतेचे महत्त्व अधोरेखित केले होते. ‘स्वच्छ भारत’ मोहिमेचे प्रतिकचिन्ह महात्मा गांधी यांचा चष्मा मानवी हक्कांचा द्योतक असल्याचे केंद्र सरकारने म्हटले आहे. केंद्र सरकारच्या पेयजल आणि स्वच्छता मोहिमेची पाहणी करण्यासाठी आलेले हेलर यांनी सरकार मानवी हक्कांचे नीट पालन होत नसल्याचे मत व्यक्त केले आहे.
म. टा. विशेष प्रतिनिधी, नवी दिल्ली
केंद्र सरकारच्या सर्वात जिव्हाळ्याच्या ‘स्वच्छ भारत’ मोहिमेचे प्रतिक ठरलेल्या महात्मा गांधी यांच्या चष्म्याची कुचेष्टा केल्याबद्दल संयुक्त राष्ट्रसंघाच्या विशेष प्रतिनिधीचा केंद्र सरकारने तीव्र निषेध केला आहे.
‘स्वच्छ भारत’ मोहीम संयुक्त राष्ट्रसंघाच्या मानवी हक्कांचे निकष आणि तत्त्वांना अनुसरून नसल्याचे मत संयुक्त राष्ट्रसंघाचे विशेष प्रतिनिधी लिओ हेलर यांनी अहवालात नमूद केले आहे. ‘स्वच्छ भारत’ मोहिमेसाठी महात्मा गांधी यांच्या चष्म्याऐवजी आता मानवी हक्कांचा चष्म्याचा अवलंब करण्याची वेळ आली असल्याची टिप्पणी त्यांनी केली आहे.
महात्मा गांधी यांचा अवमान करणाऱ्या हेलर यांच्याविरुद्ध केंद्र सरकारने शुक्रवारी तीव्र आक्षेप नोंदविला. राष्ट्रपिता महात्मा गांधी यांनी जीवनभर स्वच्छतेचे महत्त्व अधोरेखित केले होते. ‘स्वच्छ भारत’ मोहिमेचे प्रतिकचिन्ह महात्मा गांधी यांचा चष्मा मानवी हक्कांचा द्योतक असल्याचे केंद्र सरकारने म्हटले आहे. केंद्र सरकारच्या पेयजल आणि स्वच्छता मोहिमेची पाहणी करण्यासाठी आलेले हेलर यांनी सरकार मानवी हक्कांचे नीट पालन होत नसल्याचे मत व्यक्त केले आहे.