अ‍ॅपशहर

ESI चे योगदान घटले, फायदे तेवढेच

संघटित क्षेत्रातील कामगारांसाठी आनंदाची बातमी आहे. केंद्र सरकारने राज्य सरकारी विमा योजना (इएसआय) योजनेतील अंशदान दर ६.५ टक्क्यांवरून घटवून ४ टक्के करण्याचा निर्णय घेतला आहे. सुधारित दर येत्या १ जुलैपासून लागू होणार आहे. या निर्णयाचा फायदा ३.६ कोटी कर्मचाऱ्यांना तर १२.८५ लाख कंपन्यांना होणार आहे.

महाराष्ट्र टाइम्स.कॉम 13 Jun 2019, 9:49 pm
नवी दिल्ली:
महाराष्ट्र टाइम्स.कॉम esi


संघटित क्षेत्रातील कामगारांसाठी आनंदाची बातमी आहे. केंद्र सरकारने राज्य सरकारी विमा योजना (इएसआय) योजनेतील अंशदान दर ६.५ टक्क्यांवरून घटवून ४ टक्के करण्याचा निर्णय घेतला आहे. सुधारित दर येत्या १ जुलैपासून लागू होणार आहे. या निर्णयाचा फायदा ३.६ कोटी कर्मचाऱ्यांना तर १२.८५ लाख कंपन्यांना होणार आहे.

अंशदान ६.५ टक्क्यांवरून घटवून ४ टक्के केले असले तरी कर्मचाऱ्यांना या योजनेचा लाभ मात्र तेवढाच मिळणार आहे. चार टक्क्यांपैकी कंपनीचं योगदान ३.२५ टक्के (सध्या ४.७५ टक्के) तर कर्मचाऱ्याचं योगदान ०.७५ टक्के (सध्या १.७५ टक्के) असेल. कामगारांना या घटलेल्या अंशदानामुळे फायदा होणार आहे. शिवाय यामुळे अधिक कामगारांना या योजनेचा लाभ घेता येणार आहे.

यापूर्वीचे दर १ जानेवारी १९९७ पासून लागू झाले होते. राज्य कामगार विमा योजना कायदा १९४८ नुसार विमा उतरवलेल्या व्यक्तींना विविध प्रकारच्या आजारांवरील उपचारांच्या सुविधा मिळतात.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज