अतिरेकी स्वत:च केलेल्या ग्रेनेड हल्ल्यात ठार!

श्रीनगर :

महाराष्ट्र टाइम्स.कॉम

जम्मू-काश्मीरमध्ये सोमवारी एक विचित्र घटना घडली. पुलवामा जिल्ह्यात महिलेच्या वेशभूषेत आलेल्या एका अतिरेक्याने पोलीस स्टेशनवर ग्रेनेड हल्ला केला. पण या घटनेत तो स्वत:च ठार झाला. या हल्ल्यात एक पोलीस जखमी झाला असून त्याच्यावर स्थानिक रुग्णालयात उपचार सुरू आहेत.

अतिरेक्यांनी पुलवामा जिल्ह्यात पोलीस स्टेशनवर ग्रेनेड हल्ला केला होता. या हल्ल्यात कॉन्स्टेबल मेहराजुद्दीन जखमी झाले. अतिरेकी पळून जाऊ लागले तेव्हा त्यांच्यापैकी एक अतिरेकी मुश्ताक अहमद चोपन ग्रेनेड हल्ल्यात सापडला आणि त्यात ठार झाला. हा अतिरेकी महिलेच्या वेशात होता.

या हल्ल्याआधी काश्मीर खोऱ्यात रविवारी दोन वेगवेगळ्या हल्ल्यांमध्ये दोन पोलीस शहीद झाले. पहिल्या घटनेत अतिरेक्यांनी चरार-ए-शरीफ दर्ग्याजवळच्या पोलीस चौकीवर हल्ला केला. दुसऱ्या घटनेत हुरियत नेत्याच्या घराबाहेर हल्ला केला होता.