varun singh funeral : हेलिकॉप्टर अपघात: वरुण सिंह पंचत्वात विलिन, मुलाने दिला अग्नी; वडील झाले भावुक

भोपाळ : तामिळनाडूतील हेलिकॉप्टर अपघातात गंभीर जखमी झालेले हवाई ( group captain varun singh funeral ) दलाचे ग्रुप कॅप्टन वरुण सिंह यांचे बुधवारी निधन झाले. हेलिकॉप्टर अपघातातून ते एकमेव अधिकारी बचावले होते. पण बेंगळुरुतील लष्कराच्या हॉस्पिटलमध्ये त्यांचे निधन झाले. त्यांचे पार्थिव गुरुवारी भोपाळमध्ये विमानाने आणण्यात आले. त्यांचे पार्थिव त्यांच्या घरी अंत्यदर्शनासाठी ठेवण्यात आले होते आणि आज अंत्यसंस्कार करण्यात आले.

वरुण सिंह यांच्यावर आज भोपाळमध्ये संपूर्ण लष्करी इतमामात अंत्यसंस्कार करण्यात आले. लष्कराच्या हॉस्पिटलमधून त्यांचे पार्थिव सकाळी ११ वाजता बैरागढ येथील स्मशानभूमीत आणण्यात आले. अंत्य यात्रेत अनेक नागरिक सहभागी झाले. वरुण सिंह अमर रहे... भारत माता की जय... अशा घोषणा देण्यात आल्या.

ग्रुप कॅप्टन वरुण सिंह पंचत्वात विलिन झाले. त्यांचे भाऊ आणि मुलाने मुखाग्नी दिला. हा क्षण सर्वांनाच भावुक करणारा होता. मुलाला अखेरचा निरोप देताना वडील कर्नल ( निवृत्त) के. पी. सिंहही भावुक झाले होते. यापूर्वी मुख्यमंत्री शिवराज सिंह चौहान यांनी वरुण सिंह यांना श्रद्धांजली वाहिली. वरुण सिंह यांच्या मुलाला शिवराज सिंहांनी धीर दिला. यासह भारतीय सैन्याच्या तिन्ही दलातील अधिकाऱ्यांनीही वरुण सिंह यांना श्रद्धांजली वाहिली.
varun singh : हेलिकॉप्टर अपघात; पार्थिव बघून वरुण सिंहांची आई झाली भावुक, म्हणाली...

तामिळनाडूच्या कुन्नूरमध्ये ८ डिसेंबरला सीडीएस जनरल बिपीन रावत यांच्या हेलिकॉप्टरला भीषण अपघात झाला. या हेलिकॉप्टर अपघातात १४ पैकी १३ जणांचा मृत्यू झाला. तर वरुण सिंह हे त्यातून बचावले होते. पण ते गंभीर जखमी होते. जवळपास ८ दिवस त्यांनी मृत्युशी झुंज दिली. बेंगळुरूतील लष्कराच्या हॉस्पिटलमध्ये त्यांनी अखेरचा श्वास घेतला.

varun singh : अखेरची आशाही मावळली! हेलिकॉप्टर अपघातात जखमी वरुण सिंहांचे निधन