varun singh : अखेरची आशाही मावळली! हेलिकॉप्टर अपघातात जखमी वरुण सिंहांचे निधन

बेंगळुरू : तामिळनाडूतील कुन्नूरमध्ये गेल्या आठवड्यात हवाई दलाच्या हेलिकॉप्टरला भीषण अपघात झाला. या अपघातातून बचावलेले एकमेव ग्रुप कॅप्टन वरुण सिंह यांचे निधन झाले. यामुळे देशवासियांची शेवटची आशाही मावळली आहे. वरुण सिंह यांनी बुधवारी सकाळी अखेरचा श्वास घेतला. त्यांची प्रकृती मंगळवारपासून अधिकच खालावू लागली होती. वरुण सिंह हे उत्तर प्रदेशातील देवरिया येथील रहिवासी होते.

चीफ ऑफ डिफेन्स स्टाफ (CDS) जनरल बिपीन रावत, त्यांची पत्नी आणि इतर ११ लष्करी जवानांसह एकूण १३ जणांचे हेलिकॉप्टर अपघातात निधन झाले होते. फक्त वरुण सिंग हे एकमेव त्यातून बचावले होते. पण त्याची प्रकृतीही गंभीर होती. त्यांच्यावर बेंगळुरू येथील लष्करी रुग्णालयात उपचार सुरू होते.

ग्रुप कॅप्टनला वरुण सिंह अपघातात हे गंभीर जखमी झाल्याने त्यांना वेलिंग्टन येथील हॉस्पिटलमध्ये दाखल करण्यात आले होते. त्यानंतर गेल्या वरुण सिंह यांना बेंगळुरूतील लष्कराच्या कमांड हॉस्पिटलमध्ये हलवण्यात आले होते.

हलाई दलाकडून शोक व्यक्त

हवाई दलाने आपल्या ट्विटर हँडलवरून याबद्दल शोक व्यक्त केला आहे. 'शूर ग्रुप कॅप्टन वरुण सिंह यांच्या निधनाची माहिती देताना हवाई दलाला खूप दुःख होत आहे. ८ डिसेंबरला हेलिकॉप्टर अपघातात ते गंभीर जखमी झाले होते. आज सकाळी त्यांचे निधन झाले. हावई दला आपल्या संवेदना व्यक्त करते आणि शोकाकुल कुटुंबासोबत उभे आहे, असं हवाई दलाने म्हटलं आहे.
iaf helicopter crash : हेलिकॉप्टर अपघाताचा 'तो' व्हिडिओ खरा आहे का? मोबाइलची फॉरेन्सिक तपासणी

पंतप्रधान मोदींकडून शोक व्यक्त

हवाई दलाचे ग्रुप कॅप्टन वरुण सिंह यांच्या निधनाची माहिती मिळाल्यानंतर पंतप्रधान नरेंद्र मोदींनीही शोक व्यक्त केला. 'ग्रुप कॅप्टन वरुण सिंह यांनी अभिमानाने, शौर्याने देशाची सेवा केली. त्यांच्या निधनाने खूप दुःख झाले आहे. त्यांची देशासेवा कधीही विसरता येणार नाही. त्यांचे कुटुंबीय आणि मित्रांबद्दल संवेदना व्यक्त करतो. ओम शांती.', ट्विटमध्ये पंतप्रधान मोदी म्हणाले.

cds bipin rawat : जनरल रावत यांचा रेकॉर्डेड व्हिडिओ प्ले होताच सर्वच झाले भावुक, जवानांना शेवटचा संदेश!

राष्ट्रपती रामनाथ कोविंद, संरक्षण मंत्री राजनाथ सिंह आणि केंद्रीय गृहमंत्री अमित शहा यांनीही वरुण सिंह यांच्या निधनावर शोक व्यक्त केला आहे.

भाजप अध्यक्ष जे. पी. नड्डा यांनीही शोक व्यक्त केला आहे. वरुण सिंह देशाचे सुपुत्र होते. त्यांनी देशासाठी सेवा केली. त्यांच्या कुटुंबीयांबद्दल आपल्या संवेदना आहेत, असं नड्डा म्हणाले.