लॉटरी, हॉटेलांवरील ‘जीएसटी’ निश्चित

मटा ऑनलाइन वृत्त । नवी दिल्ली

जीएसटी परिषदेने रविवारी वातानुकूलित हॉटेलांना काही प्रमाणात दिलासा दिला; मात्र लॉटरींवर कर लावून झटपट श्रीमंत होणाऱ्यांची निराशा केली. याशिवाय व्यवसायिकांना कर विवरणपत्र सादर करण्याचे नियम दोन महिन्यांसाठी शिथिल करण्यात आले आहेत.

वातानुकूलित हॉटेलांमध्ये साडेसात हजारांवरील बिलावर २८ टक्के, तर अडीच ते साडेसात हजारांपर्यंतच्या बिलावर १८ टक्के कर निश्चित करण्यात आला आहे. तसेच राज्य सरकारी लॉटरींवर १२, तर राज्य सरकारची मान्यता असलेल्या लॉटरींवर २८ टक्के कर लावण्यात आल आहे.