'मोदींवर टीका करा, पण पंतप्रधानपदाचा मान राखा'

मटा ऑनलाइन वृत्त | बनासकांठा

भाजप आणि नरेंद्र मोदींवर टीका करू शकता, पण त्याचवेळी पंतप्रधानपदाचा मान राखला पाहिजे, अशा सूचना काँग्रेस उपाध्यक्ष राहुल गांधी यांनी सोशल मीडिया टीमला दिल्या आहेत. बनासकांठामध्ये ते बोलत होते.

गुजरातमध्ये निवडणूक प्रचाराचा जोर वाढला आहे. भाजप आणि काँग्रेसमध्ये आरोप-प्रत्यारोपांच्या फैरी झडत आहेत. सोशल मीडियावरूनही प्रचाराला वेग आला आहे. त्या पार्श्वभूमीवर राहुल गांधी यांनी बनासकांठामध्ये पक्षाच्या प्रचाराची धुरा सांभाळणाऱ्या सोशल मीडिया टीममधील कार्यकर्त्यांशी संवाद साधला. भाजप आणि नरेंद्र मोदी यांच्यावर आपण टीका करू शकतो. मोदींवर टीका करताना पंतप्रधानपदाचा मान राखला पाहिजे, असे त्यांनी कार्यकर्त्यांना सांगितले.

सोशल मीडियाद्वारे पक्षाचा प्रचार करणारे तीन ते चार कार्यकर्ते आहेत. मी त्यांना काही सल्ले देतो. ते चांगले वाटल्यास ट्विट केले जातात. नियमित कामे म्हणजेच वाढदिवसाच्या शुभेच्छा आदी ट्विट मी करत नाही. मी केवळ राजकीय मुद्द्यांवरील ट्विट करतो, असेही राहुल यांनी सांगितले.