मटा ऑनलाइन वृत्त । अहमदाबाद
राहुल गांधी यांच्या प्रचाराच्या धडाक्यामुळं गेले काही दिवस काँग्रेसमय झालेल्या गुजरातचा पुन्हा ताबा घेण्यास भाजपनं सुरुवात केली आहे. पंतप्रधान नरेंद्र मोदींच्या सभांचा झंझावात आजपासून सुरू होणार असतानाच भाजपनं धक्कातंत्राचा वापर करत लक्ष वेधून घेतलं आहे. गुजरातच्या माजी मुख्यमंत्री व मोदी यांच्या विश्वासातील नेत्या आनंदीबेन पटेल यांना पक्षानं अखेरच्या उमेदवार यादीतही स्थान दिलं नाही. त्यामुळं तर्कवितर्कांना उधाण आलं आहे.
गुजरात विधानसभा निवडणुकीसाठी भाजपनं आज सहावी व अखेरची यादी जाहीर केली. एकूण ३४ उमेदवारांच्या या यादीत आनंदीबेन पटेल यांना स्थान देण्यात आलेलं नाही. आनंदीबेन यांच्या घाटलोडिया मतदारसंघातून त्यांचे विश्वासू भूपेंद्र पटेल यांना उमेदवारी देण्यात आली आहे. अखेरच्या यादीत पटेल समाजातील तब्बल १२ उमेदवारांना स्थान देण्यात आलं आहे. तर, दोन ब्राह्मण उमेदवारांना संधी मिळाली आहे.
आनंदीबेन यांना उमेदवारी मिळावी यासाठी त्यांच्या समर्थकांनी रविवारी प्रचंड गोंधळ घातला होता. कार्यकर्त्यांचा राग शांत करण्यासाठी स्वत: अमित शहा यांना धावाधाव करावी लागली होती. या साऱ्या घडामोडींमुळं आनंदीबेन यांना पक्ष पुन्हा संधी देईल, अशी शक्यता वर्तवली जात होती. मात्र, भाजपनं त्यांना तिकीट नाकारत सगळ्यांनाच धक्का दिला आहे.
भाजपचे सर्व उमेदवार जाहीर
आजच्या ३४ उमेदवारांबरोबरच भाजपनं आपल्या सर्व १८२ उमेदवारांची यादी जाहीर केली आहे. यात १२ एससी, २८ एसटी, ५२ पाटीदार व ६१ ओबीसी उमेदवारांचा समावेश आहे. भाजपाध्यक्ष अमित शहा हे राज्यसभेवर गेल्यानं ते यावेळी निवडणूक लढविणार नाहीत.
राहुल गांधी यांच्या प्रचाराच्या धडाक्यामुळं गेले काही दिवस काँग्रेसमय झालेल्या गुजरातचा पुन्हा ताबा घेण्यास भाजपनं सुरुवात केली आहे. पंतप्रधान नरेंद्र मोदींच्या सभांचा झंझावात आजपासून सुरू होणार असतानाच भाजपनं धक्कातंत्राचा वापर करत लक्ष वेधून घेतलं आहे. गुजरातच्या माजी मुख्यमंत्री व मोदी यांच्या विश्वासातील नेत्या आनंदीबेन पटेल यांना पक्षानं अखेरच्या उमेदवार यादीतही स्थान दिलं नाही. त्यामुळं तर्कवितर्कांना उधाण आलं आहे.
गुजरात विधानसभा निवडणुकीसाठी भाजपनं आज सहावी व अखेरची यादी जाहीर केली. एकूण ३४ उमेदवारांच्या या यादीत आनंदीबेन पटेल यांना स्थान देण्यात आलेलं नाही. आनंदीबेन यांच्या घाटलोडिया मतदारसंघातून त्यांचे विश्वासू भूपेंद्र पटेल यांना उमेदवारी देण्यात आली आहे. अखेरच्या यादीत पटेल समाजातील तब्बल १२ उमेदवारांना स्थान देण्यात आलं आहे. तर, दोन ब्राह्मण उमेदवारांना संधी मिळाली आहे.
आनंदीबेन यांना उमेदवारी मिळावी यासाठी त्यांच्या समर्थकांनी रविवारी प्रचंड गोंधळ घातला होता. कार्यकर्त्यांचा राग शांत करण्यासाठी स्वत: अमित शहा यांना धावाधाव करावी लागली होती. या साऱ्या घडामोडींमुळं आनंदीबेन यांना पक्ष पुन्हा संधी देईल, अशी शक्यता वर्तवली जात होती. मात्र, भाजपनं त्यांना तिकीट नाकारत सगळ्यांनाच धक्का दिला आहे.
भाजपचे सर्व उमेदवार जाहीर
आजच्या ३४ उमेदवारांबरोबरच भाजपनं आपल्या सर्व १८२ उमेदवारांची यादी जाहीर केली आहे. यात १२ एससी, २८ एसटी, ५२ पाटीदार व ६१ ओबीसी उमेदवारांचा समावेश आहे. भाजपाध्यक्ष अमित शहा हे राज्यसभेवर गेल्यानं ते यावेळी निवडणूक लढविणार नाहीत.