कंडक्टर बायकोचा काटा काढण्यासाठी पोलिसाचा २०० किमी प्रवास; संपवून शेजारी बसला; बसमध्ये खळबळ

सूरत: गुजरातच्या सूरतमध्ये एका शिपायानं कंडक्टर पत्नीची बसमध्ये हत्या केली. धारदार शस्त्रानं पतीनं पत्नीचा गळा कापला. त्यानंतर पतीचा राग शांत झाला नाही. त्यानं पत्नीवर धारदार शस्त्रानं सपासप वार केले. त्यामुळे बसमधील प्रवाशांमध्ये एकच खळबळ माजली. घाबरलेले प्रवासी बसमधून उतरले. घटनेची माहिती पोलिसांना देण्यात आली.

पत्नीची हत्या केल्यानंतर आरोपी पती पत्नीच्या मृतदेहाजवळ बसून राहिला. पोलिसांनी आरोपी पतीला अटक केली आहे. पत्नीचे विवाहबाह्य संबंध असल्याचा संशय असल्यानं हत्या केल्याचं पतीनं पोलिसांना सांगितलं. सूरतमध्ये तैनात असलेला शिपाई अमृत रथवानं पत्नी मंगुबेनची हत्या केली. मंगुबेनचे अवैध संबंध असल्याचा संशय अमृतला होता. याच संशयातून अमृतनं मंगुबेनच्या हत्येचा कट रचला.
आम्हाला करोना होईल! तब्बल ३ वर्षे मायलेकींनी घरात कोंडून घेतलं; पोलिसांनी दार तोडलं अन्...
अमृत रथवाची पत्नी मंगुबेन छोटा उदयपूरमध्ये जीएसआरटीसीमध्ये (गुजरात राज्य रस्ते वाहतूक महामंडळ) कंडक्टर म्हणून कार्यरत होती. पती, पत्नी २१ डिसेंबरला एकाचवेळी ड्युटीवर जाण्यासाठी घरातून निघाले. पत्नीची हत्या करण्यासाठी पतीनं २०० किलोमीटरपेक्षा अधिक अंतर कापलं. पत्नीची बस भिखापूर गावाजवळ पोहोचल्यावर पती धारदार शस्त्र घेऊन बसमध्ये चढला. त्यानं बसमध्येच पत्नीचा गळा कापला. हा प्रकार पाहून बसमधील प्रवासी घाबरले. सगळे प्रवासी बसमधून उतरले.
संपत्ती, जमीन अन् असुया; निष्पाप मुलाचा नाहक जीव गेला; शोधाशोध करणारा काकाच निघाला गुन्हेगार
पत्नीचा गळा कापल्यानंतरही पतीचा राग शांत झाला नाही. त्यानं तिच्यावर अनेक वार केले. बसमध्ये रक्ताचा सडा पडला. हत्या केल्यानंतर पती फरार न होता पत्नीच्या मृतदेहाजवळ बसून राहिला. थोड्याच वेळात घटनास्थळी पोलीस पोहोचले. त्यांनी आरोपीला अटक केली. मृतदेह शवविच्छेदनासाठी पाठवण्यात आला. प्रकरणाचा तपास पोलिसांकडून सुरू आहे.