चौकीदाराला चोर समजून बेदम मारलं; उपस्थित लोक तमाशा पाहत राहिले; शेवट भयंकर झाला

गांधीनगर: गुजरातच्या अहमदाबादमध्ये नेपाळी तरुणाला बेदम मारहाण करण्यात आली. या मारहाणीत तरुणाचा मृत्यू झाला. मृत पावलेला तरुण सुरक्षारक्षक होता. मात्र टोळक्याला तो चोर वाटला. चोर समजून टोळक्यानं नेपाळी तरुणाला मारहाण केली. यावेळी बरीच गर्दी जमली होती. अनेकांनी मारहाणीची घटना मोबाईलमध्ये कैद केली. मात्र कोणीही सुरक्षा रक्षकाच्या मदतीसाठी पुढे आलं नाही.

अहमदाबादच्या चांगोदरजवळ ही संपूर्ण घटना घडली. ३५ वर्षांचा कुलमन गगन चांगोदर औद्योगिक विभागात सुरक्षा रक्षकाचं काम करत होता. सोमवारी रात्रीच्या सुमारास गगन घरी जायला निघाला. तेव्हा स्थानिकांनी त्याला चोर समजून मारहाण केली. त्याचा जागीच मृत्यू झाला. स्थानिकांनी गगनला निर्दयीपणे मारहाण केली. त्यावेळी आसपासचे लोक तमाशा पाहत होते. अनेकांनी मारहाणीची घटना मोबाईलमध्ये कैद केली. मात्र कोणीही गगनच्या मदतीसाठी पुढे आलं नाही, असं चांगोदर पोलिसांनी सांगितलं.
रेल्वे स्टेशनच्या टीव्हीवर पॉर्न VIDEO; विषय इंटरनॅशनल 'प्लॅटफॉर्म'वर; एडल्ट स्टार म्हणते..
घटनेची माहिती मिळताच चांगोदर पोलीस पोहोचले. तेव्हा पोलिसांना पाहून टोळक्यातील तरुणांना पळ काढला. बेदम मारहाणीत जखमी झालेल्या सुरक्षा रक्षकाचा मृत्यू झाला. पोलिसांनी त्याचा मृतदेह शवविच्छेदनासाठी जिल्हा रुग्णालयात पाठवला. त्याच्या कुटुंबीयांना घटनेची माहिती देण्यात आली. गगनच्या मृत्यूमुळे कुटुंबावर शोककळा पसरली. मारहाणीच्यााा व्हिडीओची दखल घेत पोलिसांनी आतापर्यंत १० जणांना अटक केली आहे.

इश्वर कोळी (५१), संजय ठाकोर (१८), राहुल ठाकोर (१९), मनू कोळी (५५), आकाश ठाकोर (२२), चेतन साधू (२४), सुरेश ठाकोर (२४), नवघन ठाकोर (२८), राईजी पिंटू ठाकोर (२८) आणि राईजी विरू ठाकोर (३१) अशी आरोपींची नावं आहेत. आरोपींची चौकशी सुरू आहे. मंगळवारी त्यांना न्यायालयात हजर करण्यात येईल. पोलिसांनी हत्येचा गुन्हा दाखल करून तपास सुरू केला आहे.