अहमदाबाद
गुजरात विधानसभेसाठी पहिल्या टप्प्याच्या मतदानाला सुरुवात झाली आहे. पहिल्या टप्प्यातील ८९ जागांसाठी आज मतदान होत आहे. मतदानासाठी २४ हजार ६८९ मतदान केंद्र बनविण्यात आली असून ९७७ उमेदवार निवडणूक मैदानात उतरले आहेत. येत्या लोकसभा निवडणुकीच्या पार्श्वभूमीवर गुजरात निवडणुकीत पंतप्रधान नरेंद्र मोदी यांची प्रतिष्ठापणाला लागली असून काँग्रेसच्या अध्यक्षपदाची सूत्रे हाती घेऊ पाहणारे काँग्रेस उपाध्यक्ष राहुल गांधी यांच्यासाठी ही निवडणूक लिटमस टेस्ट ठरणार असल्याने या निवडणुकीकडे सर्व देशाचं लक्ष लागलं आहे.
सौराष्ट्र आणि दक्षिण गुजरातच्या १९ जिल्ह्यात ही निवडणूक होत आहे. यात सौराष्ट्र आणि जामनगर ग्रामीण मतदारसंघातून सर्वाधिक २७ उमेदवार निवडणूक लढत आहेत. पहिल्या टप्प्यात कच्छ, मोरबी, जामनगर, सुरेंद्रनगर, देवभूमी, व्दारका, राजकोट, बोटाद, पोरबंदर, जुनागड, अमरेली, गीर सोमनाथ, भावनगर, भरूच, नर्मदा, सूरत, तापी, नवसारी, डांग आणि वलसाड आदी जिल्ह्यात आज मतदान होत आहे. या सर्व मतदारसंघात भाजप आणि काँग्रेस दरम्यान थेट लढत होणार आहे. गुजरात ही मोदींची होम पीच असल्याने त्यांनी गुजरातमध्ये प्रचाराचे रान उठवून दिले होते. तर काँग्रेसच्या अध्यक्षपदाची सूत्रे स्विकारण्यापूर्वी गुजरात सर केला तर राहुल गांधी यांना पक्षात आलेली मरगळ झटकता येणार आहे, त्यामुळे राहुल यांनीही गुजरातमध्ये सर्वाधिक प्रचारावर जोर दिला होता. त्यामुळे गुजरात कुणाच्या ताब्यात जाणार याकडे सर्वांचे लक्ष वेधले गेले आहे
मुख्यमंत्र्यांचे भविष्य मतपेटीत बंद होणार
गुजरातचे मुख्यमंत्री विजय रुपाणी राजकोट (पश्चिम) मतदारसंघातून निवडणूक लढवत असून त्यांचे भविष्यही आज मतपेटीत बंद होणार आहे. याशिवाय काँग्रेसचे शक्ती सिंह गोहील हे मांडवी मतदारसंघातून तर परेश धनानी अमरेलीमधून लढत आहेत.
गुजरात विधानसभेसाठी पहिल्या टप्प्याच्या मतदानाला सुरुवात झाली आहे. पहिल्या टप्प्यातील ८९ जागांसाठी आज मतदान होत आहे. मतदानासाठी २४ हजार ६८९ मतदान केंद्र बनविण्यात आली असून ९७७ उमेदवार निवडणूक मैदानात उतरले आहेत. येत्या लोकसभा निवडणुकीच्या पार्श्वभूमीवर गुजरात निवडणुकीत पंतप्रधान नरेंद्र मोदी यांची प्रतिष्ठापणाला लागली असून काँग्रेसच्या अध्यक्षपदाची सूत्रे हाती घेऊ पाहणारे काँग्रेस उपाध्यक्ष राहुल गांधी यांच्यासाठी ही निवडणूक लिटमस टेस्ट ठरणार असल्याने या निवडणुकीकडे सर्व देशाचं लक्ष लागलं आहे.
सौराष्ट्र आणि दक्षिण गुजरातच्या १९ जिल्ह्यात ही निवडणूक होत आहे. यात सौराष्ट्र आणि जामनगर ग्रामीण मतदारसंघातून सर्वाधिक २७ उमेदवार निवडणूक लढत आहेत. पहिल्या टप्प्यात कच्छ, मोरबी, जामनगर, सुरेंद्रनगर, देवभूमी, व्दारका, राजकोट, बोटाद, पोरबंदर, जुनागड, अमरेली, गीर सोमनाथ, भावनगर, भरूच, नर्मदा, सूरत, तापी, नवसारी, डांग आणि वलसाड आदी जिल्ह्यात आज मतदान होत आहे. या सर्व मतदारसंघात भाजप आणि काँग्रेस दरम्यान थेट लढत होणार आहे. गुजरात ही मोदींची होम पीच असल्याने त्यांनी गुजरातमध्ये प्रचाराचे रान उठवून दिले होते. तर काँग्रेसच्या अध्यक्षपदाची सूत्रे स्विकारण्यापूर्वी गुजरात सर केला तर राहुल गांधी यांना पक्षात आलेली मरगळ झटकता येणार आहे, त्यामुळे राहुल यांनीही गुजरातमध्ये सर्वाधिक प्रचारावर जोर दिला होता. त्यामुळे गुजरात कुणाच्या ताब्यात जाणार याकडे सर्वांचे लक्ष वेधले गेले आहे
मुख्यमंत्र्यांचे भविष्य मतपेटीत बंद होणार
गुजरातचे मुख्यमंत्री विजय रुपाणी राजकोट (पश्चिम) मतदारसंघातून निवडणूक लढवत असून त्यांचे भविष्यही आज मतपेटीत बंद होणार आहे. याशिवाय काँग्रेसचे शक्ती सिंह गोहील हे मांडवी मतदारसंघातून तर परेश धनानी अमरेलीमधून लढत आहेत.