काश्मिरात हालचालींना वेग; मेहबूबा मुफ्तीच्या निवासस्थानी आज मोठी बैठक

श्रीनगर: जम्मू आणि काश्मीरच्या (Jammu and Kashmir) माजी मुख्यमंत्री मेहबूबा मुफ्ती (Mehbooba Mufti) यांच्या निवासस्थानी पीपल्स अलायन्स फॉर डिक्लरेशची (PAD) आज बैठक होत आहे या बैठकीत महत्वाचे निर्णय घेण्यात येणार असल्याचे सांगितले जात आहे. या बैठकीत पीपल्स अलायन्स फॉर डिक्लसेशचे अध्यक्ष पद आणि इतर पदे घोषित केली जातील असे सूत्रांनी सांगितले. यानंतरच डिक्लरेशनची पुढील रणनीती ठरवली जाईल.

नॅशनल कॉन्फरन्सचे नेते आणि माजी मुख्यमंत्री फारूख अब्दुल्ला (Farooq Abdullah) यांना डिक्लरेशनचे अध्यक्षपद देण्यात येईल असे सांगितले जात आहे. तर मेहबूबा मुफ्ती आणि सज्जाद गनी (Sajjad Gani) यांनी देखील महत्त्वाच्या जबाबदाऱ्या देण्यात येतील. त्यानंतर पीपल्स अलायन्स फॉर डिक्लरेशन या बॅनरखाली काम सुरू करण्यात येईल. आतापर्यंत हा गट पदाविना सुरू होता. आता या गटाचे अध्यक्षपद, उपाध्यक्ष पद, सरचिटणीस आणि इतर पदांची घोषणा केली जाईल. या व्यतिरिक्त या बैठकीत येणाऱ्या दिवसांमध्ये रणनीतीबाबत पूर्ण रुपरेषा तयार केली जाणार आहे.

या महिन्याच्या १५ तारखेला या गटाची फारूख अब्दुल्ला यांच्या निवासस्थानी बैठक झाली होती. या बैठकीत मेहबूबा मुफ्ती यांनी पहिल्यांदाच भाग घेतला होता. येणाऱ्या काही दिवसांत गटाची बैठक आयोजित करून पुढील रणनीती ठरवली जाईल, असे १५ तारखेच्या बैठकीनंतर फारूख अब्दुल्ला यांनी स्पष्ट केले होते. त्यानंतर या गटाची आज बैठक होत आहे.

क्लिक करा आणि वाचा- '...तो पर्यंत काश्मिरी झेंड्याशिवाय दुसरा कोणताच झेंडा उचलणार नाही'

जम्मू-काश्मीरचा विशेष दर्जा पुन्हा मिळवण्यासाठी बैठक

जम्मू काश्मीर आणि लडाखला पुन्हा पूर्वीसारखाच विशेष दर्जा मिळावा यासाठी गुपकार डिक्लरेशन केले गेले होते. त्यानंतर मागील बैठकीत या सर्वपक्षीय बैठकीत या गटाला पीपल्स अलायन्स फॉर डिक्लरेशन असे नाव देण्यात आले. आता पीपल्स अलायन्स फॉर डिक्लकेशनच्या माध्यमातून जम्मू आणि काश्मीरला विशेष दर्जा मिळवण्याची मागणी करण्यात येत आहे. या गटातील सर्व नेते जम्मू आणि काश्मीरला पुन्हा विशेष दर्जा देण्याची मागणी प्रदेशात करत आहेत.

क्लिक करा आणि वाचा- आम्हाला मुलगी व्हावी! 'या' १७० वर्षे जुन्या मंदिरात जोडपी मुलीसाठी करतात प्रार्थना
क्लिक करा आणि वाचा- लालूप्रसाद यादव दुर्गापूजेत लीन; देणार तीन बकऱ्यांचे बळी