मटा ऑनलाइन वृत्त। रोहतक
साध्वी बलात्कार प्रकरणी डेरा सच्चा सौदाप्रमुख गुसमीत राम रहीमला कोर्टाने १० वर्षांच्या कारावासाची शिक्षा ठोठावली. कडक सुरक्षाव्यवस्थेत रोहतकच्या सनारिया तुरूंगातील कोर्टात न्यायाधीश जगदीप सिंह यांनी ही शिक्षा सुनावली. कोर्टाने सीबीआय आणि बचाव पक्षाच्या वकिलांना आपापली बाजू मांडण्यासाठी १०-१० मिनिटांचा वेळ दिला होता. शिक्षा ठोठावण्यापूर्वी बाबा राम रहीमचे डोळे अश्रूंनी डबडबले होते. त्यावेळी राम रहीम हात जोडून दयेची याचना करत होता.
'राम रहीम समाजसेवक आहे, राम रहीमने स्वच्छता अभियान आणि रक्तदानासारखी सामाजिक कार्ये केलेली आहेत. याचा विचार करून कोर्टाने त्याच्याबाबत नरमाईची भूमिका घ्यावी', अशी विनंती राम रहीमच्या वकिलाने केली. सीबीआयच्या वकिलाने मात्र राम रहीमला कठोर शिक्षा अर्थात जन्मठेप ठोठावण्यात यावी अशी मागणी केली. राम रहीम विरोधातील हे प्रकरण केवळ बलात्काराचे प्रकरण नसून, विश्वास तोडून सतत लैंगिक शोषण करण्याबाबतचे अतिशय गंभीर प्रकरण असल्याचा मुद्दा तपास यंत्रणांनी कोर्टात उपस्थित केला. कोर्टाने दोन्ही बाजू ऐकल्यानंतर १० वर्षांच्या कारावासाची शिक्षा ठोठावली. राम रहीमच्या वकिलांनी केलेला कोणताही युक्तिवाद कोर्टात चालला नाही.
यापूर्वी २५ ऑगस्टला सिरसाच्या विशेष न्यायालयाने साध्वीवर बलात्कार केल्याप्रकरणी डेरा प्रमुख राम रहीम दोषी असल्याचे कोर्टाने म्हटले होते. त्यानंतर डेरा समर्थकांनी हरियाणा, पंजाब आणि राजधानी दिल्लीपर्यंत हिंसाचार केला होता. विशेषत: पंचकूला आणि सिरसामध्ये दगडफेक आणि तोडफोडीच्या घटना घडल्या. या हिंसेत ३० पेक्षा अधिक लोकांना आपले प्राण गमवावे लागले आहेत.
आजचा निर्णय जाहीर करण्यापूर्वी हिंसेची शक्यता लक्षात घेत संपूर्ण रोहतक परिसराला सील करण्यात आले होते. पोलीस आणि अर्धसैनिक दलाच्या २३ कंपन्या रोहतकमध्ये तैनात करण्यात आल्या. याशिवाय सुनारिया तुरूंगाबाहेरही कडक सुरक्षाव्यवस्था ठेवण्यात आली होती.
हरियाणात आज सर्व शासकीय कार्यालये बंद ठेवण्यात आली. रोहतक, पंचकूला आणि कॅथलमधील सर्वच शाळा आणि महाविद्यालयेही बंद ठेवण्यात आली. याबरोबरच लष्करालाही तयार ठेवण्यात आले होते. रोहतकमध्ये १०० पेक्षा अधिक डेरा अनुयायांना रविवारीच पोलिसांनी ताब्यात घेतले होते. पंजाब सरकारने देखील २९ ऑगस्टपर्यंत मोबाइल इंटरनेट, एमएमएस आणि डोंगल सेवा बंद ठेवण्याचा निर्णय घेतला आहे.
साध्वी बलात्कार प्रकरणी डेरा सच्चा सौदाप्रमुख गुसमीत राम रहीमला कोर्टाने १० वर्षांच्या कारावासाची शिक्षा ठोठावली. कडक सुरक्षाव्यवस्थेत रोहतकच्या सनारिया तुरूंगातील कोर्टात न्यायाधीश जगदीप सिंह यांनी ही शिक्षा सुनावली. कोर्टाने सीबीआय आणि बचाव पक्षाच्या वकिलांना आपापली बाजू मांडण्यासाठी १०-१० मिनिटांचा वेळ दिला होता. शिक्षा ठोठावण्यापूर्वी बाबा राम रहीमचे डोळे अश्रूंनी डबडबले होते. त्यावेळी राम रहीम हात जोडून दयेची याचना करत होता.
'राम रहीम समाजसेवक आहे, राम रहीमने स्वच्छता अभियान आणि रक्तदानासारखी सामाजिक कार्ये केलेली आहेत. याचा विचार करून कोर्टाने त्याच्याबाबत नरमाईची भूमिका घ्यावी', अशी विनंती राम रहीमच्या वकिलाने केली. सीबीआयच्या वकिलाने मात्र राम रहीमला कठोर शिक्षा अर्थात जन्मठेप ठोठावण्यात यावी अशी मागणी केली. राम रहीम विरोधातील हे प्रकरण केवळ बलात्काराचे प्रकरण नसून, विश्वास तोडून सतत लैंगिक शोषण करण्याबाबतचे अतिशय गंभीर प्रकरण असल्याचा मुद्दा तपास यंत्रणांनी कोर्टात उपस्थित केला. कोर्टाने दोन्ही बाजू ऐकल्यानंतर १० वर्षांच्या कारावासाची शिक्षा ठोठावली. राम रहीमच्या वकिलांनी केलेला कोणताही युक्तिवाद कोर्टात चालला नाही.
यापूर्वी २५ ऑगस्टला सिरसाच्या विशेष न्यायालयाने साध्वीवर बलात्कार केल्याप्रकरणी डेरा प्रमुख राम रहीम दोषी असल्याचे कोर्टाने म्हटले होते. त्यानंतर डेरा समर्थकांनी हरियाणा, पंजाब आणि राजधानी दिल्लीपर्यंत हिंसाचार केला होता. विशेषत: पंचकूला आणि सिरसामध्ये दगडफेक आणि तोडफोडीच्या घटना घडल्या. या हिंसेत ३० पेक्षा अधिक लोकांना आपले प्राण गमवावे लागले आहेत.
आजचा निर्णय जाहीर करण्यापूर्वी हिंसेची शक्यता लक्षात घेत संपूर्ण रोहतक परिसराला सील करण्यात आले होते. पोलीस आणि अर्धसैनिक दलाच्या २३ कंपन्या रोहतकमध्ये तैनात करण्यात आल्या. याशिवाय सुनारिया तुरूंगाबाहेरही कडक सुरक्षाव्यवस्था ठेवण्यात आली होती.
हरियाणात आज सर्व शासकीय कार्यालये बंद ठेवण्यात आली. रोहतक, पंचकूला आणि कॅथलमधील सर्वच शाळा आणि महाविद्यालयेही बंद ठेवण्यात आली. याबरोबरच लष्करालाही तयार ठेवण्यात आले होते. रोहतकमध्ये १०० पेक्षा अधिक डेरा अनुयायांना रविवारीच पोलिसांनी ताब्यात घेतले होते. पंजाब सरकारने देखील २९ ऑगस्टपर्यंत मोबाइल इंटरनेट, एमएमएस आणि डोंगल सेवा बंद ठेवण्याचा निर्णय घेतला आहे.