नवरा, सासूला संपवलं; तुकडे फ्रिजमध्ये ठेवले; ६ महिने कोणालाच शंका नाही; पण...

गुवाहाटी: आसामच्या गुवाहाटीत श्रद्धा वालकर हत्या प्रकरणाची पुनरावृत्ती झाली आहे. महिलेनं तिचा पती आणि सासूची हत्या करून मृतदेह फ्रिजमध्ये ठेवले. शहरातील नूनमती परिसरातून ही घटना घडली. १७ ऑगस्ट २०२२ घडलेला हा गुन्हा १९ फेब्रुवारीला उघडकीस आली. आरोपी महिलेनं गुन्हेची कबुली दिली आहे.

बंदना कलिता असं आरोपीचं नाव आहे. तिनं पती अमरज्योती डे आणि सासू शंकरी डे यांची हत्या केली. त्यानंतर कलितानं दोघांच्या मृतदेहाचे अनेक तुकडे केले आणि ते फ्रिजमध्ये ठेवले. त्यानंतर कलिता भाड्यानं राहत असलेल्या घरातून निघाली. २१ ऑगस्टला म्हणजेच खून केल्यानंतर ४ दिवसांनी कलिता पुन्हा घरी परतली. तिनं घराची साफसफाई केली. त्यानंतर मृतदेहाचे तुकडे बाहेर काढले आणि त्यानंतर १७५ किलोमीटर अंतर कापून मेघालयातील दावकी शहर गाठून मृतदेहांच्या तुकड्यांची विल्हेवाट लावली.
iPhoneसाठी कायपण! डिलिव्हरी बॉयला संपवलं; बॉडी ३ दिवस घरात; स्कूटीवरून नेऊन जाळली अन्...
दावकीमध्ये काही मृतदेहांचे तुकडे आढळून आले. कलितानं पॉलिथिनमध्ये टाकून मृतदेहाचे तुकडे फेकून दिले होते. रविवारी रात्री पोलिसांना शंकरी डे यांच्या मृतदेहाचे तुकडे आढळून आले. या प्रकरणी पोलिसांनी अधिक माहिती देणं टाळलं. 'हत्या जवळपास सहा महिन्यांपूर्वी झाली आहे. आम्ही तीन आरोपींना अटक केली आहे. त्यांची चौकशी सुरू आहे,' असं गुवाहाटीचे पोलीस आयुक्त दिगंता बाराह यांनी सांगितलं.

पती आणि सासू बेपत्ता झाल्याची तक्रार कलितानं सप्टेंबरमध्ये नोंदवली होती, अशी माहिती पोलीस उपायुक्त दिगंत कुमार चौधरी यांनी दिली. तक्रार प्राप्त झाल्यानंतर पोलिसांनी तपास सुरू केला. काही दिवसांनी अमरज्योती यांच्या चुलत भावानंदेखील पोलीस तक्रार दाखल केली. त्यामुळे पोलिसांना महिलेवर संशय आला.
ग्राऊंड फ्लोअरवर मेहुणीची बर्थडे पार्टी; वर पती-पत्नीचा वाद टोकाला; बंद दाराआड घडलं भयंकर
या गुन्ह्यात आणखी दोन जणांनी आपली साथ दिल्याचं आरोपी महिलेनं पोलिसांना सांगितलं. कलिता घराची साफसफाई करण्यासाठी आली असताना शेजारच्या महिलेनं तिला पाहिलं होतं. त्यावेळी कलितानं बेडवरील चादर आणि अन्य कपडे घराच्या टेरेसवर जाळले होते. गुन्ह्यात महिलेला साथ देणाऱ्या दोघांनाही पोलिसांनी अटक केली आहे. त्यांची रवानगी तुरुंगात करण्यात आली आहे. सध्या पोलीस पुढील तपास करत आहेत.