शिक्षकाने शिक्षा केल्यानं विद्यार्थ्याची आत्महत्या

मटा ऑनलाइन वृत्त । गोरखपूर

शाळेतील शिक्षकाने शिक्षा केल्याने विद्यार्थ्याने विष खाऊन आत्महत्या केल्याची खळबळजनक घटना उघडकीस आली आहे. उत्तर प्रदेशातील गोरखपूर येथील सेंट अॅंथनी कॉन्वेंट शाळेतील इयत्ता पाचवीतील नवनीत प्रकाश या विद्यार्थ्याने शाळेत शिक्षा केल्याने आपले जीवन संपवले आहे.

मुलाच्या आई-वडिलांनी शाळेच्या प्रशासनावर त्यांच्या मुलाचे शोषण झाल्याचा आरोप लावला आहे.सदर आत्महत्येबद्दल शाळा व्यवस्थापन काहीही बोलायला तयार नाही. मृत मुलाच्या पालकाने शाळेच्या व्यवस्थापनावर आक्षेप घेतला असून पोलिसांनी मुख्याधापक आणि शाळेच्या प्रशासनावर गुन्हा दाखल केला आहे.

१५ सप्टेंबरला नवनीत प्रकाशला शाळेतील शिक्षकाने त्याला पूर्ण दिवस बाकावर उभं राहण्याची शिक्षा केली. याचा त्याला प्रचंड मानसिक त्रास झाला. तो डिप्रेशनमध्येही गेला होता. यामुळं त्यानं एवढं मोठं पाऊल उचललं .त्याला झालेल्या शिक्षेबद्दल आम्ही शाळेच्या प्रशासनाला कळवले होते.तरी देखील त्यांनी कोणतीही कारवाई केली आहे. असं नवनीत प्रकाशचे वडिल रवि प्रकाश यांच म्हणणं आहे.