अमरनाथ हल्ल्यामागे कट; हार्दिक पटेलला संशय

मटा ऑनलाइन वृत्त । नवी दिल्ली

जम्मू-काश्मीरच्या अनंतनागमध्ये दहशतवादी हल्ल्यानंतर सर्वच स्तरांतून निषेध नोंदवला जात असताना गुजरातमधील पाटीदार आंदोलनाचे नेते हार्दिक पटेलने या हल्ल्यामागे कट, कारस्थान असल्याचा संशय व्यक्त केला आहे.

'लष्कर ए तोयबा' आणि 'काश्मीर हिज्बुल'च्या दहशतवादी संघटनांनी संयुक्तपणे अमरनाथ यात्रेतील भाविकांच्या बसवर दहशतवादी हल्ला केला. या हल्ल्यात ७ भाविकांचा मृत्यू झाला आहे. या हल्ल्यानंतर सर्वच स्तरांतून निषेध नोंदवण्यात येत आहे. परंतु गुजरातमधील पाटीदार आंदोलनाचे नेते हार्दिक पटेल यांनी संशय व्यक्त करीत एक वादग्रस्त ट्विट केले आहे.

क्या ?? गुजरात में इस साल चुनाव हैं।। अमरनाथ यात्रियों पर हुवे हमले में मरनेवाले सभी गुजरात के हैं।। सुरक्षा पर सवाल या फिर साज़िश ?? https://t.co/PUr0vAGMX8 — Hardik Patel (@HardikPatel_) July 10, 2017
'गुजरातमध्ये पुढील वर्षी विधानसभेच्या निवडणुका आहेत. अमरनाथ यात्रेवर झालेल्या दहशतवादी हल्ल्यात मृत्युमुखी पडलेले सर्व जण हे गुजरातमधील रहिवाशी आहेत. यामुळे सुरक्षावर प्रश्नचिन्ह उपस्थित करायचे की यामागे कट आहे?, असा संशय हार्दिक पटेलने ट्विटरवर व्यक्त केला. दहशतवादी हल्ल्यानंतर हार्दिक पटेलने एक ट्विट केले होते. त्यात त्याने म्हटले की, अमरनाथ यात्रेवर केलेल्या दहशतवादी हल्ल्यानंतर भाष्य करणं ठीक नाही. देशातील सर्व नागरिकांनी अशावेळी एकत्र येण्याची वेळ आहे. परंतु या ट्विटच्या तासाभरानंतरच हार्दिक पटेलने आणखी एक ट्विट केले व त्यात हल्ल्यामागे कट असल्याचा संशय व्यक्त केला.

अमरनाथ यात्रियों पर आतंकी हमले के बाद बयान बाज़ी ठीक नहीं हैं। इस वक़्त देश के सभी लोगों को साथ मिलकर खड़े होने का वक़्त हैं।। — Hardik Patel (@HardikPatel_) July 10, 2017