लॉकडाऊनमध्ये लपून-छपून मैत्रिणीला भेटणं नेत्याला पडलं भारी!

चंदीगड : करोनाच्या पार्श्वभूमीवर एकीकडे देशात लॉकडाऊन सुरू असताना एक नेते महोदय आपल्या प्रेयसीला भेटण्याची इच्छा रोखू शकले नाहीत. परंतु, ही मैत्रिणीची भेट मात्र त्यांना भलतीच महागात पडलीय.

ही घटना घडलीय हरियाणाची राजधानी चंदीगडमध्ये... हरियाणा भाजपचे नेते चंद्रप्रकाश कथुरिया पंचकुलाचे रहिवासी असून लॉकडाऊन दरम्यान आपल्या एका मैत्रिणीला भेटण्यासाठी तिच्या घरी दाखल झाले होते. याच दरम्यान दारावरची बेल वाजली आणि नेते महाशयांची एकच धांदल उडाली. त्यामुळे चंद्रप्रकाश यांनी सिनेस्टाईलनं फ्लॅटच्या बाल्कनीतून चादरची दोरी बनवत खाली उतरण्याचा प्रयत्न केला. याच दरम्यान ते दोन मजल्यांच्या उंचीवरून खाली जमिनीवर कोसळले.

वाचा : नेपाळसोबत सीमा वाद; दोन्ही देशांचे हॅकर्स भिडले
वाचा : पोटापाण्याची नव्हे; चर्चा फक्त घरी जाण्याची

या अपघातात चंद्रप्रकाश हे गंभीर जखमी झालेत. त्यांना रुग्णालयात दाखल करण्यात आलंय. या घटनेत त्यांचा पाय फ्रॅक्चर झाल्याचंही समजतंय.

याच दरम्यान पोलिसांना कंट्रोल रुमला कुणीतरी इमारतीतून खाली पडल्याची माहिती दिली होती. पीसीआरकडून चंद्रप्रकाश यांना उपचारासाठी रुग्णालयात दाखल करण्यात आलं.

वाचा :छत्तीसगड: सुरक्षा दलाशी झालेल्या चकमकीत २ माओवादी ठार
वाचा : गुजरातमध्ये ५० वर्षांनंतर दिसली दुर्मिळ आशियाई जंगली कुत्री