नोएडा
सध्याचा काळ माहिती तंत्रज्ञानाचा आहे. हायटेक जमान्यात अनेकजण तंत्रज्ञानाचा उपयोग आपल्या दैनंदिन कामासाठी करतात. मग, या सगळ्यात चोर तरी कसे मागे राहतील. रस्ते शोधण्यापासून ते वाहतूक कोंडीपासून वाचण्यासाठी आपण गुगल मॅप्सचा वापर करतो. मात्र, काही चोरांनी या गुगलचा वापर चक्क चोरी करण्यासाठी केला.
नोएडातील सेक्टर-८ मध्ये पोलिसांनी अटक केलेले मुशीर उर्फ मुत्ता आणि हर्ष गुप्ता यांनी आपल्या चोरीच्या पद्धतीबद्दल सगळी माहिती उघड केली. गुगल मॅप्सवर रस्त्यावरील रहदारी पाहून चोरी करत असल्याचे दोघांनी सांगितल्यावर पोलिसही चक्रावले. गुगल मॅप्सवर हे चोर वाहतूक कोंडीचा अंदाज घ्यायचे. ज्या रस्त्यावर कमी वर्दळ असायची त्याच ठिकाणी हे चोरी करायचे. वाहतूक कोंडी असलेल्या ठिकाणी चोरी करण्याचे टाळत असल्याचे पोलिसांनी सांगितले. या दोन्ही चोरांना लाल रंगाचे मोजे लाभदायक आहेत यावर विश्वास होता. त्यांनी अनेक चोरी लाल रंगाचे मोजे घालून केल्या आहेत. काही दिवसांपूर्वी एका महिलेच्या हातातील सोन्याच्या बांगड्या लुटताना त्यांनी लाल रंगाचे मोजे घातले होते. शुक्रवारी त्यांना अटक केली तेव्हा त्यांनी लाल रंगाचे मोजे घातले होते, अशी माहिती पोलिसांनी दिली.
सध्याचा काळ माहिती तंत्रज्ञानाचा आहे. हायटेक जमान्यात अनेकजण तंत्रज्ञानाचा उपयोग आपल्या दैनंदिन कामासाठी करतात. मग, या सगळ्यात चोर तरी कसे मागे राहतील. रस्ते शोधण्यापासून ते वाहतूक कोंडीपासून वाचण्यासाठी आपण गुगल मॅप्सचा वापर करतो. मात्र, काही चोरांनी या गुगलचा वापर चक्क चोरी करण्यासाठी केला.
नोएडातील सेक्टर-८ मध्ये पोलिसांनी अटक केलेले मुशीर उर्फ मुत्ता आणि हर्ष गुप्ता यांनी आपल्या चोरीच्या पद्धतीबद्दल सगळी माहिती उघड केली. गुगल मॅप्सवर रस्त्यावरील रहदारी पाहून चोरी करत असल्याचे दोघांनी सांगितल्यावर पोलिसही चक्रावले. गुगल मॅप्सवर हे चोर वाहतूक कोंडीचा अंदाज घ्यायचे. ज्या रस्त्यावर कमी वर्दळ असायची त्याच ठिकाणी हे चोरी करायचे. वाहतूक कोंडी असलेल्या ठिकाणी चोरी करण्याचे टाळत असल्याचे पोलिसांनी सांगितले. या दोन्ही चोरांना लाल रंगाचे मोजे लाभदायक आहेत यावर विश्वास होता. त्यांनी अनेक चोरी लाल रंगाचे मोजे घालून केल्या आहेत. काही दिवसांपूर्वी एका महिलेच्या हातातील सोन्याच्या बांगड्या लुटताना त्यांनी लाल रंगाचे मोजे घातले होते. शुक्रवारी त्यांना अटक केली तेव्हा त्यांनी लाल रंगाचे मोजे घातले होते, अशी माहिती पोलिसांनी दिली.