श्रद्धाला संपवल्यावरही आफताब तिच्या मित्रांची फसवणूक करत राहिला, आणखी एक गुपित उलगडलं

नवी दिल्ली : आफताब पूनावाला... त्याला केवळ मारेकरी नाही, तर राक्षस म्हणावं लागेल. तो आफताब (प्रकाश) नाही, तर अंधार आहे. तो प्रेमाचा नाही, वासनेचा उपासक आहे. कारण लिव्ह इन पार्टनरच्या मृतदेहाचे तुकडे फ्रीजमध्ये ठेवून दुसऱ्या मुलीसोबत मजा करणं, हे फक्त राक्षसच करु शकतो. आफताब पूनावाला हा कलियुगातील हैवान आहे. प्रेमात पडलेला माणूस इतका रानटी कसा असू शकतो, याबाबत तपासकर्त्यांनी आश्चर्य व्यक्त केले आहे.

लिव्ह-इन पार्टनर श्रद्धा वालकरची हत्या करून तिच्या मृतदेहाचे तुकडे करणाऱ्या आफताब पूनावालाविरुद्ध दिल्ली पोलिसांनी सहा हजारांहून अधिक पानांचे आरोपपत्र दाखल केले आहे. या आरोपपत्रात करण्यात आलेले दावे वाचून कोणाचेही धाबे दणाणतील. श्रद्धाचा खून हा सर्वसामान्य गुन्हा नसून प्लॅनिंग करून केलेला अतिशय गंभीर गुन्हा आहे हे स्पष्ट होतं.

दिल्ली पोलिसांच्या चार्जशीटवरून असे दिसते, की आफताब श्रद्धाच्या हत्येपूर्वी आणि नंतरही सतत नियोजन करत असल्यानेच निर्भयपणे राहत होता. हत्येनंतरही त्याने श्रद्धाचा फोन सुरक्षितपणे जपून ठेवला होता. त्याने फोन बंद केला नाही यावरून तो किती हुशार आहे, याचा अंदाज येतो. कारण श्रद्धाच्या जीवाला काही झालंय, असा संशय कुणालाही येऊ नये म्हणून तो तिचा मोबाईल अटेंड करत राहिला. श्रद्धाला कोणी फोन केला की आफताबने फोन उचललायचा, पण एक शब्दही बोलायचा नाही, गप्प बसून राहायचा.

कॉल उचलून तो फोन बाजूला ठेवायचा. "हॅलो, हॅलो श्रद्धा, हॅलो, निदान काहीतरी बोल..." एवढं बोलूनही प्रतिसाद मिळाला नाही, तर निराश होऊन समोरची व्यक्ती फोन ठेवून देत असे. त्यांना वाटायचे की श्रद्धाचा मूड ठीक नाही, तिला बोलायचे नाही. याच कारणामुळे हत्येनंतर दहा-बारा दिवसांपर्यंत कुणालाही शंका आली नाही की श्रद्धा आता या जगात नाही. पण पापाचा घडा एक दिवस भरतोच.

आफताबने सर्वप्रथम श्रद्धाचा मृतदेह हिमाचल प्रदेशात फेकण्याचा विचार केला होता, असा दिल्ली पोलिसांचा दावा आहे. याआधी त्याने काही दिवस हिमाचलमध्ये श्रद्धासोबत घालवले होते. मृतदेह लपवण्यासाठी हा परिसर सर्वोत्तम असल्याचे त्याला वाटले. त्याने १२०० रुपयांना एक काळी बॅग खरेदी केली. प्लॅनिंगनुसार मृतदेहाच्या तुकड्यांनी भरलेली बॅग कॅबमध्ये ठेवून हिमाचलला जाण्याचा बेत होता. पण तो चलाख होता.

एवढं अंतर पार करताना कुठेतरी पकडले जाण्याची शक्यता आहे असे त्याला वाटले. त्यामुळे श्रद्धाचा मृतदेह हिमाचल प्रदेशात फेकण्याची योजना त्याने रद्द केली. मग त्याला अचानक आठवले की तो जेव्हा मित्र बद्रीच्या गच्चीवर सिगारेट ओढत असे, तेव्हा तिथून त्याला एक जंगल दिसत होते. त्याच्या डोक्यात प्रकाश पडला. त्याने शेवटचा निर्णय घेतला - तिचा मृतदेह जंगलातच टाकायचा.

आफताबने पोलिसांना सांगितले की, त्याने हत्येच्या दिवशीच श्रद्धाच्या मृतदेहाचे तुकडे केले. त्याने मृतदेह ओढत बाथरूममध्ये नेला आणि तिथेच रात्रभर मृतदेहाचे तुकडे केले. त्याने मृतदेहाचे अगदी लहान तुकडे केले, जेणेकरून त्यांची विल्हेवाट लावताना कोणाची नजर पडली, तरी त्यांना शंका येऊ नये. त्याने श्रद्धाची बोटं आणि नखं जाळली.

गेल्या वर्षी १८ मे रोजी सकाळी ११ वाजता श्रद्धा दुसऱ्या मित्राच्या घरून तिच्या फ्लॅटवर आली. तिथे आफताबने तिच्याशी वाद घालयला सुरुवात केली. त्याने श्रद्धाला विचारले की 'तू रात्रभर कुठे होतीस?' यावर 'तुला काय करायचंय?' असं उत्तर श्रद्धाने दिलं. मला वाटेल ते मी करेन, हे तिचे शब्द ऐकून आफताबचा पारा चढला आणि त्याने श्रद्धाला धक्का मारुन खाली पाडलं.

हेही वाचा : पुण्यात उच्चपदस्थ महिलेचा पाठलाग करुन फोटोग्राफी, अटक झालेले तरुण निघाले...

त्यावेळी आफताबने श्रद्धाला जीवे मारले नाही. दोघांमधील संवाद काही काळ बंद राहिला. एका पोलीस अधिकाऱ्याने सांगितले की, त्यानंतर दोघेही शांत झाले आणि त्यांनी ऑनलाईन जेवण ऑर्डर केले. जेवण होत नाही तोच संध्याकाळ झाली. त्यावेळी आफताबने पुन्हा रागाने श्रद्धाला विचारले, रात्रभर कुठे थांबली होतीस? श्रद्धाने प्रतिसाद दिला नाही. त्यानंतर आफताबने तिला खाली पाडून तो तिच्या अंगावर बसला त्याने तिचा गळा आवळून खून केला.

हेही वाचा : मम्मी-पप्पा दार उघडा, मुलगा हाका मारत राहिला, मात्र बंद दरवाजाआड घडत होतं भयंकर