मटा ऑनलाइन वृत्त । श्रीनगर
काश्मीर खोऱ्यात रविवारी भारतीय लष्कर आणि दहशतवाद्यांमध्ये झालेल्या चकमकीत हिजबूल मुजाहिदीनचा कमांडर यासीन उर्फ महमूद गजनवी ठार झाला. त्याच्यासोबतच्या दोन दहशतवाद्यांनाही कंठस्नान घालण्यात आलं आहे. काश्मीरमध्ये बुऱ्हान वानी आणि जाकिर मुसा या दोन दहशतवाद्यांचा खात्मा करण्यात आल्यानंतर त्यांची जागा भरून काढण्याचं काम यासीन करत होता. त्याला लष्कराने कंठस्नान घातल्याने दहशतवाद्यांचे कंबरडे मोडले आहे.
१९९७ मध्ये यासीन दहशतवादी बनला होता. त्याने पाकिस्तानच्या ताब्यातील काश्मीरमध्ये ट्रेनिंग घेतली होती. बुऱ्हान वाणीनंतर काश्मीर खोऱ्यात यासीन हिजबुलच्या दहशतवाद्यांचे नेतृत्व करत होता. जाकिर मुसा अलकायदामध्ये सामिल झाल्यानंतर हिजबुलचा मोहरक्या सलाऊद्दीनने त्याच्या जागेवर यासीनला कमांडर बनवले होते. तथापि, मुसा मारला गेल्यानंतर काही काळापुरते सबजार बट्टने हिजबुलचं नेतृत्व केलं होतं. पण सबजारही मारला गेल्यानंतर यासीनकडे हिजबुलची सुत्रे आली होती. यासीनच्या एकन्काउंटरमुळे आंदोलनाला मोठा फटका बसल्याचं वक्तव्य मानवाधिकार कार्यकर्त्याच्या हत्येप्रकरणी जन्मठेपेची शिक्षा भोगणारा दहशतवादी फख्तू यानं केलं आहे.
यासीन बडगामच्या चादोराचा रहिवासी आहे. त्याच्या सोबत मारला गेलेला दहशतवादी उमर मजीद मीर हा कुलगामचा तर इरफान-उल-हक हा जैनपोराचा रहिवासी आहे. या दोन्ही दहशतवाद्यांनी सुरक्षा दलावर अनेकदा हल्ले केले होते.
काश्मीर खोऱ्यात रविवारी भारतीय लष्कर आणि दहशतवाद्यांमध्ये झालेल्या चकमकीत हिजबूल मुजाहिदीनचा कमांडर यासीन उर्फ महमूद गजनवी ठार झाला. त्याच्यासोबतच्या दोन दहशतवाद्यांनाही कंठस्नान घालण्यात आलं आहे. काश्मीरमध्ये बुऱ्हान वानी आणि जाकिर मुसा या दोन दहशतवाद्यांचा खात्मा करण्यात आल्यानंतर त्यांची जागा भरून काढण्याचं काम यासीन करत होता. त्याला लष्कराने कंठस्नान घातल्याने दहशतवाद्यांचे कंबरडे मोडले आहे.
१९९७ मध्ये यासीन दहशतवादी बनला होता. त्याने पाकिस्तानच्या ताब्यातील काश्मीरमध्ये ट्रेनिंग घेतली होती. बुऱ्हान वाणीनंतर काश्मीर खोऱ्यात यासीन हिजबुलच्या दहशतवाद्यांचे नेतृत्व करत होता. जाकिर मुसा अलकायदामध्ये सामिल झाल्यानंतर हिजबुलचा मोहरक्या सलाऊद्दीनने त्याच्या जागेवर यासीनला कमांडर बनवले होते. तथापि, मुसा मारला गेल्यानंतर काही काळापुरते सबजार बट्टने हिजबुलचं नेतृत्व केलं होतं. पण सबजारही मारला गेल्यानंतर यासीनकडे हिजबुलची सुत्रे आली होती. यासीनच्या एकन्काउंटरमुळे आंदोलनाला मोठा फटका बसल्याचं वक्तव्य मानवाधिकार कार्यकर्त्याच्या हत्येप्रकरणी जन्मठेपेची शिक्षा भोगणारा दहशतवादी फख्तू यानं केलं आहे.
यासीन बडगामच्या चादोराचा रहिवासी आहे. त्याच्या सोबत मारला गेलेला दहशतवादी उमर मजीद मीर हा कुलगामचा तर इरफान-उल-हक हा जैनपोराचा रहिवासी आहे. या दोन्ही दहशतवाद्यांनी सुरक्षा दलावर अनेकदा हल्ले केले होते.