वृत्तसंस्था, नवी दिल्ली जवाहरलाल नेहरू विद्यापीठातील (जेएनयू) विद्यार्थ्यांनी शुल्कवाढीविरोधात केलेल्या आंदोलनाच्या समर्थनार्थ शनिवारी राजधानीमध्ये शेकडो जण रस्त्यांवर उतरले होते. शिक्षण हे सर्वांना परवडणारे असावे, अशी मागणी आंदोलकांनी या वेळी केली. शनिवारी आंदोलन करणाऱ्यांमध्ये जेएनयूच्या माजी विद्यार्थ्यांसह सामान्य नागरिकही सहभागी झाले होते. जेएनयूने केलेली शुल्कवाढ मागे घ्यावी, अशी मागणी या वेळी करण्यात आली. जेएनयूच्या विद्यार्थ्यांच्या आंदोलनामध्ये नागरी समाजातील सदस्य सहभागी होण्याची ही पहिलीच वेळ आहे. मागील आठवड्याभरापासून विद्यार्थ्यांचे आंदोलन सुरू आहे. शनिवारी आंदोलकांनी मंडी हाऊस येथे जमून संसदेच्या दिशेने मोर्चा काढला. या वेळी कडेकोट पोलिस बंदोबस्त ठेवण्यात आला होता. एसएफआय, केवायएस, एआयएसएफ, एनएसयूआय या विद्यार्थी संघटनांचे कार्यकर्ते या चळवळीमध्ये मोठ्या संख्येने सहभागी झाले होते.
विद्यार्थ्यांच्या समर्थनार्थ शेकडो
वृत्तसंस्था, नवी दिल्लीजवाहरलाल नेहरू विद्यापीठातील (जेएनयू) विद्यार्थ्यांनी शुल्कवाढीविरोधात केलेल्या आंदोलनाच्या समर्थनार्थ शनिवारी राजधानीमध्ये ...
महाराष्ट्र टाइम्स.कॉम 24 Nov 2019, 4:00 am