मटा ऑनलाइन वृत्त । हैदराबाद
दंड भरून अघोषित उत्पन्न जाहीर करण्याच्या केंद्र सरकारच्या आवाहनाला प्रतिसाद देत हैदराबाद येथील एका व्यक्तीनं तब्बल १० हजार कोटी रुपयांचं अघोषित उत्पन्न जाहीर केलं आहे. या व्यक्तीचं नाव गुप्त राहणार असल्यानं ही व्यक्ती कोण याबाबत सर्वसामान्यांमध्ये तर्कवितर्कांना उधाण आलं आहे.
काळा पैसा उजेडात आणण्याच्या मोहिमेचा भाग म्हणून केंद्र सरकारनं देशातील नागरिकांना त्यांच्याकडील अघोषित उत्पन्न जाहीर करण्याचं आवाहन केलं होतं. तसं उत्पन्न घोषित करणाऱ्यांची नावं गुप्त ठेवण्याची हमी आयकर खात्यानं दिली होती. या योजनेअंतर्गत देशभरातून आतापर्यंत ६५ हजार कोटींचं छुपं उत्पन्न उजेडात आलं आहे. एकट्या हैदराबाद शहरातून १३ हजार कोटींचं अघोषित उत्पन्न घोषित करण्यात आलं असून त्यापैकी १० हजार कोटींचं उत्पन्न केवळ एकाच व्यक्तीचं आहे.
आंध्र प्रदेशचे मुख्यमंत्री चंद्राबाबू नायडू यांनी एका पत्रकार परिषदेत स्वत: ही माहिती दिली. 'इतक्या मोठ्या प्रमाणावर स्वत:कडचा काळा पैसा जाहीर करणारा कोण आहे, हे कायद्यानं सांगता येणार नाही. मात्र, एखादा उद्योगपती असं करणं शक्य नाही,' असंही ते म्हणाले. काळा पैसा उजेडात आणण्याच्या केंद्राच्या प्रयत्नांचं त्यांनी तोंडभरून कौतुक केलं. 'भविष्यातही अशी योजना आणली जाईल. ४०-४५ टक्के दंड घेऊन असं करण्यात काय चुकीचं आहे? तसं करणाराला कुणी विचारणारही नाही. त्यामुळं सामाजिक पत जाण्याचीही भीती नाही,' असं त्यांनी सांगितलं.
हजार, पाचशेच्या नोटा बंद करा!
'राजकारण हा भ्रष्ट व काळा पैसा जमविणाऱ्यांसाठी एक अड्डा बनला आहे. काही राजकारणी लोकांचा विश्वासघात करतात,' असा आरोप करतानाच, '१ हजार व ५०० रुपयांच्या नोटा चलनातून हद्दपार कराव्यात,' अशा मागणीचं पत्र मी पंतप्रधानांना लिहिणार असल्याचं नायडू यांनी यावेळी सांगितलं.
दंड भरून अघोषित उत्पन्न जाहीर करण्याच्या केंद्र सरकारच्या आवाहनाला प्रतिसाद देत हैदराबाद येथील एका व्यक्तीनं तब्बल १० हजार कोटी रुपयांचं अघोषित उत्पन्न जाहीर केलं आहे. या व्यक्तीचं नाव गुप्त राहणार असल्यानं ही व्यक्ती कोण याबाबत सर्वसामान्यांमध्ये तर्कवितर्कांना उधाण आलं आहे.
काळा पैसा उजेडात आणण्याच्या मोहिमेचा भाग म्हणून केंद्र सरकारनं देशातील नागरिकांना त्यांच्याकडील अघोषित उत्पन्न जाहीर करण्याचं आवाहन केलं होतं. तसं उत्पन्न घोषित करणाऱ्यांची नावं गुप्त ठेवण्याची हमी आयकर खात्यानं दिली होती. या योजनेअंतर्गत देशभरातून आतापर्यंत ६५ हजार कोटींचं छुपं उत्पन्न उजेडात आलं आहे. एकट्या हैदराबाद शहरातून १३ हजार कोटींचं अघोषित उत्पन्न घोषित करण्यात आलं असून त्यापैकी १० हजार कोटींचं उत्पन्न केवळ एकाच व्यक्तीचं आहे.
आंध्र प्रदेशचे मुख्यमंत्री चंद्राबाबू नायडू यांनी एका पत्रकार परिषदेत स्वत: ही माहिती दिली. 'इतक्या मोठ्या प्रमाणावर स्वत:कडचा काळा पैसा जाहीर करणारा कोण आहे, हे कायद्यानं सांगता येणार नाही. मात्र, एखादा उद्योगपती असं करणं शक्य नाही,' असंही ते म्हणाले. काळा पैसा उजेडात आणण्याच्या केंद्राच्या प्रयत्नांचं त्यांनी तोंडभरून कौतुक केलं. 'भविष्यातही अशी योजना आणली जाईल. ४०-४५ टक्के दंड घेऊन असं करण्यात काय चुकीचं आहे? तसं करणाराला कुणी विचारणारही नाही. त्यामुळं सामाजिक पत जाण्याचीही भीती नाही,' असं त्यांनी सांगितलं.
हजार, पाचशेच्या नोटा बंद करा!
'राजकारण हा भ्रष्ट व काळा पैसा जमविणाऱ्यांसाठी एक अड्डा बनला आहे. काही राजकारणी लोकांचा विश्वासघात करतात,' असा आरोप करतानाच, '१ हजार व ५०० रुपयांच्या नोटा चलनातून हद्दपार कराव्यात,' अशा मागणीचं पत्र मी पंतप्रधानांना लिहिणार असल्याचं नायडू यांनी यावेळी सांगितलं.