हैदराबाद : करोनाविरुद्धच्या लढ्यात अनेक सर्वसामान्यांच्या लहान-सहान कहाण्याही इतरांसाठी प्रेरणादायी ठरत आहेत. ही कहाणी हैदराबादमध्ये नुकतीच जन्माला आलेल्या एका चिमुरडीची आहे. जन्मत:च या चिमुरडीचं वजन अवघं किलोभर होतं. मात्र, अशा अवस्थेतही या चिमुरडीनं करोनासोबत यशस्वी लढा दिला आणि ती या युद्धात जिंकलीही! या चिमुरडीच्या आई-वडिलांचं नाव राहुल आणि बालामोनिका असं आहे. त्यांच्यासाठी आपल्या चिमुरडीला डोळ्यांदेखत पाहणं हेदेखील एखाद्या चमत्कारापेक्षा कमी नाही. चिमुरडीनं करोनावर मात केल्यानंतर तिला रुग्णालयातून सुट्टी देण्यात आलीय. तिची प्रकृती सध्या व्यवस्थित आहे.
या चिमुरडीची आई बालामोनिका या गर्भावस्थेतच करोनाशी झुंजत होत्या. त्यांची प्रकृती इतकी ढासळली होती की डॉक्टरांना त्यांना व्हेन्टिलेटर सपोर्टवर ठेवावं लागलं. २८ व्या आठवड्यात बालामोनिका यांनी आपल्या बाळाला जन्म दिला. त्यानंतर पुढच्याच आठवड्यात करण्यात आलेल्या चाचणीत नवजात बालिका करोना संक्रमित असल्याचं समोर आलं.
वेळेपूर्वीच जन्माला आलेल्या या चिमुरडीचं वजन अवघ एक किलो होतं. त्यामुळे तिला वाचवणं हे डॉक्टरांसाठीही एक आव्हानच होतं. बाळाला वाचवण्यासाठी डॉक्टरांचे शर्थीचे प्रयत्न सुरू झाले. डॉक्टरांनी चिमुरडीला NICU मध्ये व्हेन्टिलेटरवर ठेवलं. इथे नर्सेस या चिमुरडीच्या आईची भूमिका निभावत होत्या.
अत्यंत चिवटपणे, जिद्दीनं या चिमुरडीनं करोनावर मात केली. आता मात्र तिची तब्येत सुधारतेय. ती आता आपल्या घरी आई-वडिलांसोबत आहे.
चिमुरडीचे वडील राहुल यांच्या म्हणण्यानुसार, हैदराबादच्या 'कृष्णा इन्स्टिट्यूट ऑफ मेडिकल सायन्स' या रुग्णालयात बालामोनिका आणि त्यांच्या चिमुरडीवर उपचार पार पडले. डॉक्टरांच्या म्हणण्यानुसार, वजन कमी असल्यानं मुलीचं वजन सामान्य होण्यासाठी तीन आठवडे लागले. त्यानंतर कोणत्याही मेडिकल सपोर्टशिवाय तिला स्वत: श्वासोच्छवास घेणं शक्य झालं.
याच रुग्णालयात तब्बल ४० कोविड पॉझिटिव्ह महिलांनी आपापल्या बाळांना जन्म दिलाय. जन्मत: एकही बाळ करोना संक्रमित नव्हतं. मात्र जन्मल्यानंतर काही दिवसांनी दोन बाळांना करोना संसर्गाची लागण झाल्याचं समोर आलं.
या चिमुरडीची आई बालामोनिका या गर्भावस्थेतच करोनाशी झुंजत होत्या. त्यांची प्रकृती इतकी ढासळली होती की डॉक्टरांना त्यांना व्हेन्टिलेटर सपोर्टवर ठेवावं लागलं. २८ व्या आठवड्यात बालामोनिका यांनी आपल्या बाळाला जन्म दिला. त्यानंतर पुढच्याच आठवड्यात करण्यात आलेल्या चाचणीत नवजात बालिका करोना संक्रमित असल्याचं समोर आलं.
वेळेपूर्वीच जन्माला आलेल्या या चिमुरडीचं वजन अवघ एक किलो होतं. त्यामुळे तिला वाचवणं हे डॉक्टरांसाठीही एक आव्हानच होतं. बाळाला वाचवण्यासाठी डॉक्टरांचे शर्थीचे प्रयत्न सुरू झाले. डॉक्टरांनी चिमुरडीला NICU मध्ये व्हेन्टिलेटरवर ठेवलं. इथे नर्सेस या चिमुरडीच्या आईची भूमिका निभावत होत्या.
अत्यंत चिवटपणे, जिद्दीनं या चिमुरडीनं करोनावर मात केली. आता मात्र तिची तब्येत सुधारतेय. ती आता आपल्या घरी आई-वडिलांसोबत आहे.
चिमुरडीचे वडील राहुल यांच्या म्हणण्यानुसार, हैदराबादच्या 'कृष्णा इन्स्टिट्यूट ऑफ मेडिकल सायन्स' या रुग्णालयात बालामोनिका आणि त्यांच्या चिमुरडीवर उपचार पार पडले. डॉक्टरांच्या म्हणण्यानुसार, वजन कमी असल्यानं मुलीचं वजन सामान्य होण्यासाठी तीन आठवडे लागले. त्यानंतर कोणत्याही मेडिकल सपोर्टशिवाय तिला स्वत: श्वासोच्छवास घेणं शक्य झालं.
याच रुग्णालयात तब्बल ४० कोविड पॉझिटिव्ह महिलांनी आपापल्या बाळांना जन्म दिलाय. जन्मत: एकही बाळ करोना संक्रमित नव्हतं. मात्र जन्मल्यानंतर काही दिवसांनी दोन बाळांना करोना संसर्गाची लागण झाल्याचं समोर आलं.