बायकोवर वॉच ठेवायला घरी बसवले सीसीटीव्ही

मटा ऑनलाइन वृत्त । हैदराबाद

बायकोवर वॉच ठेवण्यासाठी हैदराबादेतल्या एका सॉफ्टवेअर इंजिनीअरनं आपल्या घरात सीसीटीव्ही बसवले. वैतागलेल्या बायकोनं अखेर नवऱ्याविरोधात पोलिसात तक्रार दाखल केली.

पूर्णज्योती (वय २७) असं या महिलेचं नाव आहे. २०१५ साली तिचं शिवशंकर (वय ३४) याच्याशी लग्न झालं. तिच्या आजारपणामुळे तिच्या नवऱ्यानं तिच्या बहिणीशी लग्न करण्याचा प्रस्ताव पूर्णज्योतीच्या आईवडिलांपुढं ठेवला. मात्र पूर्णज्योती आणि तिच्या पालकांचा याला विरोध केला, तेव्हा शिवशंकरनं तिचा छळ करायला सुरुवात केली.

त्यानं पत्नीकडे आणखी १० लाख रुपयांचा हुंडा मागितला. तिचा मोबाइल फोन काढून घेतला. तिच्यावर २४ तास पाळत ठेवण्यासाठी घरी सीसीटीव्ही बसवले. बाथरूम, बेडरूममध्येही त्यानं सीसीटीव्ही लावून घेतले. अखेर पूर्णज्योतीनं त्याच्याविरोधात पोलिसात तक्रार दाखल केली.