मटा ऑनलाइन वृत्त । नवी दिल्ली
शिवसेना खासदार रवींद्र गायकवाड यांच्या 'चप्पलमार' प्रकरणातील महत्त्वाची साक्षीदार असलेली हवाईसुंदरी प्रथमच या संपू्र्ण प्रकारावर बोलली असून गैरसमजुतीतून हा वाद चिघळल्याचे मला वाटत असल्याचे तिने नमूद केले आहे.
मॅनेजर सुकुमार यांना मारहाण करण्याचा वा त्यांना शिडीवरून ढकलण्याचा गायकवाड यांचा हेतु होता असे मला वाटत नाही. त्यांच्या एअर इंडियाबाबत काही तक्रारी होत्या आणि त्या वरिष्ठ अधिकाऱ्यापुढे मांडता याव्यात म्हणून ते दबाव आणण्याचा प्रयत्न करत होते, असे मला एकंदर त्यांच्या वर्तनावरून वाटते, असे ही हवाईसुंदरी म्हणाली.
सुरुवातीला सगळं काही सुरळीत होतं. गायकवाड अगदी शांतपणे एअर इंडियाच्या कर्मचाऱ्यांशी बोलत होते. विमानात प्रवेश करण्याआधी मला व्यवस्थापक पदावरील व्यक्तीशी बोलायचे आहे, असे त्यांनी सांगितले. बोर्डिंग पासवर नमूद केलेला क्लास आणि प्रत्यक्ष देण्यात येणारी सीट यात फरक असल्याने त्यांचा आक्षेप होता. याबाबत त्यांची समजूत काढण्यासाठी सुकुमार आले. दोघेही आधी शांतपणे बोलत होते पण अचानकपणे काहीतरी खटका उडाला. सुकुमार यांच्या तोंडून कदाचित चुकीचे शब्द निघाले आणि गायकवाड यांचा संताप अनावर झाला. त्यातूनच वाद वाढून गायकवाड यांनी पायातील सँडल काढून सुकुमार यांना मारहाण केली व शिडीवरून ढकलले, असे ही हवाईसुंदरी म्हणाली.
सुकुमार आणि गायकवाड यांच्यातील भांडण सोडवण्याचा मी प्रयत्न केला. गायकवाड माझ्याशी अदबीने बोलत होते. त्यांनी मला ताई म्हणत आपलं म्हणणं मांडलं. त्यावर मी त्यांची समजूत काढली व ते आपल्या जागेवर जाऊन बसले, असे या हवाईसुंदरीने एनएनआय या वृत्तसंस्थेशी बोलताना सांगितले. या हवाईसुंदरीने नाव उघड न करण्याच्या अटीवर ही माहिती दिली आहे.
शिवसेना खासदार रवींद्र गायकवाड यांच्या 'चप्पलमार' प्रकरणातील महत्त्वाची साक्षीदार असलेली हवाईसुंदरी प्रथमच या संपू्र्ण प्रकारावर बोलली असून गैरसमजुतीतून हा वाद चिघळल्याचे मला वाटत असल्याचे तिने नमूद केले आहे.
मॅनेजर सुकुमार यांना मारहाण करण्याचा वा त्यांना शिडीवरून ढकलण्याचा गायकवाड यांचा हेतु होता असे मला वाटत नाही. त्यांच्या एअर इंडियाबाबत काही तक्रारी होत्या आणि त्या वरिष्ठ अधिकाऱ्यापुढे मांडता याव्यात म्हणून ते दबाव आणण्याचा प्रयत्न करत होते, असे मला एकंदर त्यांच्या वर्तनावरून वाटते, असे ही हवाईसुंदरी म्हणाली.
सुरुवातीला सगळं काही सुरळीत होतं. गायकवाड अगदी शांतपणे एअर इंडियाच्या कर्मचाऱ्यांशी बोलत होते. विमानात प्रवेश करण्याआधी मला व्यवस्थापक पदावरील व्यक्तीशी बोलायचे आहे, असे त्यांनी सांगितले. बोर्डिंग पासवर नमूद केलेला क्लास आणि प्रत्यक्ष देण्यात येणारी सीट यात फरक असल्याने त्यांचा आक्षेप होता. याबाबत त्यांची समजूत काढण्यासाठी सुकुमार आले. दोघेही आधी शांतपणे बोलत होते पण अचानकपणे काहीतरी खटका उडाला. सुकुमार यांच्या तोंडून कदाचित चुकीचे शब्द निघाले आणि गायकवाड यांचा संताप अनावर झाला. त्यातूनच वाद वाढून गायकवाड यांनी पायातील सँडल काढून सुकुमार यांना मारहाण केली व शिडीवरून ढकलले, असे ही हवाईसुंदरी म्हणाली.
सुकुमार आणि गायकवाड यांच्यातील भांडण सोडवण्याचा मी प्रयत्न केला. गायकवाड माझ्याशी अदबीने बोलत होते. त्यांनी मला ताई म्हणत आपलं म्हणणं मांडलं. त्यावर मी त्यांची समजूत काढली व ते आपल्या जागेवर जाऊन बसले, असे या हवाईसुंदरीने एनएनआय या वृत्तसंस्थेशी बोलताना सांगितले. या हवाईसुंदरीने नाव उघड न करण्याच्या अटीवर ही माहिती दिली आहे.