चंदीगड:
काँग्रेसमध्ये प्रवेश केल्याच्या वृत्ताचं प्रसिद्ध हरयाणवी गायिका आणि डान्सर सपना चौधरीनं खंडन केलं आहे. मी अद्याप काँग्रेसमध्ये प्रवेश केलेला नाही. कोणत्या पक्षाचा प्रचारही करणार नाही. तसंच भविष्यात कोणत्याच पक्षात जाण्याचा माझा विचार नाही, असं तिनं स्पष्ट केलं आहे.
सपना चौधरीनं काँग्रेसमध्ये प्रवेश केल्याचं वृत्त धडकलं आणि त्यावरून राजकीय रण तापलं. काँग्रेसकडून तिला लोकसभेची उमेदवारी देण्याची शक्यता व्यक्त केली जात होती. उत्तर प्रदेशातील एका भाजप आमदारानं त्यावर वादग्रस्त टिप्पणी केली. त्यामुळं राजकीय रण आणखीनच तापलं होतं. मात्र, खुद्द सपनानं काँग्रेसमधील प्रवेशाच्या चर्चेला पूर्णविराम दिला. 'मी काँग्रेसमध्ये प्रवेश केला नाही. कोणत्या पक्षातही जाणार नाही आणि प्रचारही करणार नाही,' असं तिनं सांगितलं. प्रियांका गांधी यांच्यासोबतच्या फोटोबाबत विचारलं असता, तो फोटो खूप जुना असल्याचं सपनानं स्पष्ट केलं.
काँग्रेसमध्ये प्रवेश केल्याच्या वृत्ताचं प्रसिद्ध हरयाणवी गायिका आणि डान्सर सपना चौधरीनं खंडन केलं आहे. मी अद्याप काँग्रेसमध्ये प्रवेश केलेला नाही. कोणत्या पक्षाचा प्रचारही करणार नाही. तसंच भविष्यात कोणत्याच पक्षात जाण्याचा माझा विचार नाही, असं तिनं स्पष्ट केलं आहे.
सपना चौधरीनं काँग्रेसमध्ये प्रवेश केल्याचं वृत्त धडकलं आणि त्यावरून राजकीय रण तापलं. काँग्रेसकडून तिला लोकसभेची उमेदवारी देण्याची शक्यता व्यक्त केली जात होती. उत्तर प्रदेशातील एका भाजप आमदारानं त्यावर वादग्रस्त टिप्पणी केली. त्यामुळं राजकीय रण आणखीनच तापलं होतं. मात्र, खुद्द सपनानं काँग्रेसमधील प्रवेशाच्या चर्चेला पूर्णविराम दिला. 'मी काँग्रेसमध्ये प्रवेश केला नाही. कोणत्या पक्षातही जाणार नाही आणि प्रचारही करणार नाही,' असं तिनं सांगितलं. प्रियांका गांधी यांच्यासोबतच्या फोटोबाबत विचारलं असता, तो फोटो खूप जुना असल्याचं सपनानं स्पष्ट केलं.