माझ्याकडं मोदींच्या भ्रष्टाचाराचे पुरावे: राहुल गांधी

मटा ऑनलाइन वृत्त । नवी दिल्ली

'पंतप्रधान नरेंद्र मोदी यांनी केलेल्या भ्रष्टाचाराचे पुरावे माझ्याकडे आहेत,' असा गौप्यस्फोट करतानाच, 'मोदींच्या भ्रष्टाचारावर मला लोकसभेत बोलायचं आहे. पण बोलूच दिलं जात नाही,' असा आरोप काँग्रेसचे उपाध्यक्ष राहुल गांधी यांनी आज केला.

संसद भवनाच्या आवारात पत्रकारांशी बोलताना राहुल यांनी हा गौप्यस्फोट केला. 'पंतप्रधान मोदी स्वत: घोटाळ्यात सहभागी आहेत. त्याचे पुरावे माझ्याकडं आहेत. पण मला बोलू दिलं जात नाही. मी बोलले तर त्यांचा फुगा फुटेल हे त्यांना कळून चुकलं आहे. ते घाबरलेत,' असा दावाही राहुल गांधी यांनी केला. नोटांबदीबद्दल पंतप्रधानांनी देशाला उत्तर दिलं पाहिजे. ते जबाबदारीपासून पळून जाऊ शकत नाहीत,' असंही राहुल गांधी म्हणाले.
Pradhanmantri ji ke baare mein bhrashtachar ka kuch personal info hai hamaare paas, jo vo hume sadan mein rakhne nahi de rahe:Rahul Gandhi — ANI (@ANI_news) December 14, 2016