goa election : निकालापूर्वी गोव्याचे मुख्यमंत्री PM मोदींना भेटले, प्रमोद सावंतांंनी केला 'हा' मोठा दावा

नवी दिल्ली : उत्तर प्रदेश, गोवा, पंजाबसह ५ राज्यांच्या विधानसभा निवडणुकांचे निकाल १० मार्चला म्हणजे गुरुवारी लागणार आहेत. या पार्श्वभूमीवर राजकीय पक्षांच्या आणि नेत्यांच्या हालचाली ( Goa Election 2022 ) सुरू झाल्या आहेत. महाराष्ट्राला लागून असलेल्या ( goa cm pramod sawant ) गोव्याच्या निवडणुकीकडेही लक्ष लागलं आहे. गोव्याचे मुख्यमंत्री प्रमोद सावंत यांनी आज पंतप्रधान मोदींची भेट घेतली. या भेटीनंतर त्यांनी मोठा दावा केला आहे.

पंतप्रधान मोदींची मी आज भेट घेतली. त्यांच्यासोबत चर्चाही केली. आम्ही अधिकाधिक जागा जिंकू आणि सत्ता स्थापन करू. गोव्याचा मुख्यमंत्री म्हणून मला पुन्हा संधी मिळेल अशी अपेक्षा आहे. मुख्यमंत्रीपदाचा चेहरा म्हणून आपल्याला जनतेसमोर मांडले. तर मग नक्कीच तसे घडेल. भाजप जे ठरवते ते नक्की होते, असे प्रमोद सावंत म्हणाले.
गोवा विधानसभा निवडणुकीत ४० पैकी २० हून अधिक जागा भाजप जिंकेल आणि बहुमताने पुन्हा सत्तेत येईल. आम्ही प्रादेशिक पक्ष आणि अपक्षांच्या पाठिंब्यावर सरकार स्थापन करू. केंद्रीय नेतृत्व त्यांच्या मागण्यांबाबत त्यांच्याशी चर्चा करेल, गरज पडल्यास एमजीपीचा पाठिंबा घेईल, असे प्रमोद सावंत म्हणाले.
काँग्रेसचे गोव्याचे प्रभारी म्हणाले...

बहुतेकदा एक्झिट पोल हे खरे ठरत नाीत. आम्ही ग्राउंडवर्क आणि आमच्या स्वतःच्या स्त्रोतांद्वारे आमचे स्वतःचे मूल्यांकन केले आहे. काँग्रेसला पूर्ण बहुमत मिळेल आणि गोवा फॉरवर्ड (पक्ष) सोबत आघाडी करून सरकार स्थापन करू शकेल, असा विश्वास काँग्रेसचे गोव्याचे प्रभारी दिनेश राव यांनी व्यक्त केला आहे.

Goa Assembly Election Exit Poll Result : काँग्रेस की भाजप?...; गोव्यात कुणाची सत्ता, एक्झिट पोलचा अंदाज काय?

काँग्रेस गोव्यात २०१७ मध्ये सरकार बनवायचे हवे होते. पण आमच्या निर्णयक्षमतेत चूक झाली. पण यावेळी आम्ही सतर्क आहोत आणि निकाल येताच आम्ही सर्व उमेदवारांशी चर्चा करू. भाजप आपल्या प्रभावाचा उपयोग करू शकते. पण यावेळी आम्ही वेळ न घालवता वेगळाने आणि तात डीने पाऊल उचलू असे राव म्हणाले.

५ राज्यांचा एक्झिट पोल, कुठे कुणाची सत्ता आणि कुणाला किती जागा?, जाणून घ्या एका क्लिकवर