मटा ऑनलाइन वृत्त । बेंगळुरू
नोटाबंदीच्या निर्णयानंतर देशभरात धाडी घालून जुन्या-नव्या नोटांची घबाडं शोधून काढणाऱ्या आयकर खात्याच्या जाळ्यात आता कर्नाटकचे एक मंत्री आणि महिला काँग्रेसच्या प्रदेशाध्यक्ष अडकले आहेत. या दोघांकडे १६२ कोटी रुपयांहून अधिक बेहिशेबी मालमत्ता असल्याचं उघड झालं आहे. साखर उद्योग आणि सहकारी सोसायट्यांच्या माध्यमातून त्यांनी हा काळा पैसा जमवल्याचा संशय आयकर अधिकाऱ्यांना आहे.
कर्नाटकचे लघुउद्योग मंत्री रमेश जरकिहळ्ळी आणि प्रदेश महिला काँग्रेसच्या अध्यक्षा लक्ष्मी हेब्बाळकर यांच्या गोकाक आणि बेळगावमधील मालमत्तांवर गेल्या आठवड्यात आयकर खात्याने धाडी टाकल्या होत्या. त्यावेळी लाखो रुपयांची रोकड आणि सोन्या-चांदीचे दागिने त्यांच्याकडून जप्त करण्यात आले होते. या मालमत्तेचा हिशेब त्यांच्याकडे नसल्याचं कळतं.
रमेश जरकिहळ्ळी हे सौभाग्य लक्ष्मी शुगर लिमिटेडचे प्रमुख प्रवर्तक आणि संचालक आहेत. त्यांच्याकडे ११५ कोटी रुपयांची अघोषित मालमत्ता सापडली आहे. तसंच, त्यांचे नातेवाईक आणि परिचितांच्या खात्यांमध्येही कोट्यवधी रुपये आढळलेत. आयकर खात्यानं त्यांच्या कंपनीतूनही २१ लाख रुपयांची रोकड आणि १२ किलो सोनं जप्त केलं आहे. जरकिहळ्ळी यांचे दोन भाऊही आमदार असून ते साखर कारखान्यात भागीदारही आहेत.
लक्ष्मी हेब्बाळकर यांच्या आईच्या खात्यात २५.५ कोटी रुपये, भावाच्या खात्यात ११ कोटी रुपये आणि हायटेक इंजिनीअरिंग कॉर्पोरेशन या त्यांच्या कंपनीच्या खात्यात १०.५ कोटी रुपये असल्याचं तपासातून निष्पन्न झालंय. हेब्बाळकर यांच्या घरातूनही २० लाख रुपयांची रोकड जप्त करण्यात आलीय.
या प्रकरणी आयकर खात्याने सखोल चौकशी सुरू केली असून लवकरच या दोघांना समन्स बजावलं जाणार आहे. या छाप्यांसदर्भात जरकिहळ्ळी यांना विचारलं असता, हा राजकीय कटाचा भाग असल्याचा दावा त्यांनी केला आहे.
नोटाबंदीच्या निर्णयानंतर देशभरात धाडी घालून जुन्या-नव्या नोटांची घबाडं शोधून काढणाऱ्या आयकर खात्याच्या जाळ्यात आता कर्नाटकचे एक मंत्री आणि महिला काँग्रेसच्या प्रदेशाध्यक्ष अडकले आहेत. या दोघांकडे १६२ कोटी रुपयांहून अधिक बेहिशेबी मालमत्ता असल्याचं उघड झालं आहे. साखर उद्योग आणि सहकारी सोसायट्यांच्या माध्यमातून त्यांनी हा काळा पैसा जमवल्याचा संशय आयकर अधिकाऱ्यांना आहे.
कर्नाटकचे लघुउद्योग मंत्री रमेश जरकिहळ्ळी आणि प्रदेश महिला काँग्रेसच्या अध्यक्षा लक्ष्मी हेब्बाळकर यांच्या गोकाक आणि बेळगावमधील मालमत्तांवर गेल्या आठवड्यात आयकर खात्याने धाडी टाकल्या होत्या. त्यावेळी लाखो रुपयांची रोकड आणि सोन्या-चांदीचे दागिने त्यांच्याकडून जप्त करण्यात आले होते. या मालमत्तेचा हिशेब त्यांच्याकडे नसल्याचं कळतं.
रमेश जरकिहळ्ळी हे सौभाग्य लक्ष्मी शुगर लिमिटेडचे प्रमुख प्रवर्तक आणि संचालक आहेत. त्यांच्याकडे ११५ कोटी रुपयांची अघोषित मालमत्ता सापडली आहे. तसंच, त्यांचे नातेवाईक आणि परिचितांच्या खात्यांमध्येही कोट्यवधी रुपये आढळलेत. आयकर खात्यानं त्यांच्या कंपनीतूनही २१ लाख रुपयांची रोकड आणि १२ किलो सोनं जप्त केलं आहे. जरकिहळ्ळी यांचे दोन भाऊही आमदार असून ते साखर कारखान्यात भागीदारही आहेत.
लक्ष्मी हेब्बाळकर यांच्या आईच्या खात्यात २५.५ कोटी रुपये, भावाच्या खात्यात ११ कोटी रुपये आणि हायटेक इंजिनीअरिंग कॉर्पोरेशन या त्यांच्या कंपनीच्या खात्यात १०.५ कोटी रुपये असल्याचं तपासातून निष्पन्न झालंय. हेब्बाळकर यांच्या घरातूनही २० लाख रुपयांची रोकड जप्त करण्यात आलीय.
या प्रकरणी आयकर खात्याने सखोल चौकशी सुरू केली असून लवकरच या दोघांना समन्स बजावलं जाणार आहे. या छाप्यांसदर्भात जरकिहळ्ळी यांना विचारलं असता, हा राजकीय कटाचा भाग असल्याचा दावा त्यांनी केला आहे.