मरण्यापूर्वी मला पाकिस्तान पाहायचंय: ऋषी कपूर

मटा ऑनलाइन वृत्त | मुंबई

जम्मू-काश्मीरचे माजी मुख्यमंत्री आणि नॅशनल कॉन्फरन्सचे नेते फारुख अब्दुल्ला यांनी पाकव्याप्त काश्मीरबाबत केलेल्या वक्तव्यावरून निर्माण झालेल्या वादात अभिनेते ऋषी कपूर यांनी उडी घेतली आहे. 'जम्मू-काश्मीर आपला, तर पाकव्याप्त काश्मीर त्यांचा आहे. हाच या समस्येवरील एकमेव उपाय आहे. मी ६५ वर्षांचा असून मरण्यापूर्वी मला पाकिस्तान पाहायचा आहे,' असे ते म्हणाले.

पाकव्याप्त काश्मीर पाकिस्तानचाच आहे. तो कुणीही हिसकावून घेऊ शकत नाही, असे वादग्रस्त वक्तव्य अब्दुल्ला यांनी केले होते. काश्मीरचा भाग भारताकडेच आहे. कितीही युद्ध झाले तरी ही परिस्थिती बदलणार नाही, असे ते म्हणाले होते. यावरून वाद निर्माण झाला असतानाच ऋषी कपूर यांनी त्यांचे समर्थन केले आहे. फारुख अब्दुल्ला यांच्या वक्तव्याशी मी पूर्णपणे सहमत आहे. जम्मू-काश्मीर आपला असून पाकव्याप्त काश्मीर त्यांचाच (पाकिस्तान) आहे. ही समस्या सोडवण्याचा हाच एकमेव उपाय आहे. मी ६५ वर्षांचा असून मृत्यूपूर्वी मला पाकिस्तान पाहायचा आहे, माझ्या मुलांनीही त्यांचे मूळ कुठे आहे ते पाहावे अशी माझी इच्छा आहे, असे ट्विट त्यांनी केले आहे.


Farooq Abdhulla ji, Salaam! Totally agree with you,sir. J&K is ours, and PoK is theirs. This is the only way we can solve our problem. Accept it, I am 65 years old and I want to see Pakistan before I die. I want my children to see their roots. Bas karva Dijiye. Jai Mata Di ! — Rishi Kapoor (@chintskap) November 11, 2017