helicopter crash : बिपीन रावत यांचे ६ वर्षांपूर्वीही झाले होते हेलिकॉप्टर क्रॅश, थोडक्यात बचावले होते

नवी दिल्ली/दिमापूर : भारतीय लष्कराच्या वरिष्ठ अधिकाऱ्यांना घेऊन जाणारे सैन्याचे हेलिकॉप्टर बुधवारी तामिळनाडूमधील निलगिरी जिल्ह्यातील कुन्नूर येथे कोसळले. या हेलिकॉप्टरमध्ये सीडीएस बीपिन रावत यांच्यासह १४ जण होते. या दुर्घटनेत आतापर्यंत १३ जणांचा मृत्यू झाल्याचं वृत्त एएनआयने दिलं आहे.

त्यावेळी बिपीन रावत थोडक्यात बचावले

हेलिकॉप्टर कोसळून मोठी दुर्घटना २०१५ मध्ये ३ फेब्रुवारीला घडली होती. या दुर्घटनेतून बिपीन रावत थोडक्यात बचावले होते. सकाळी नऊ ते दहा वाजेच्या दरम्यान ही घटना अशी घडली होती. हेलिकॉप्टरने नागालँडच्या दिमापूर जिल्ह्यातील हेलिपॅडवरून उड्डाण केले होते. विमानात लेफ्टनंट जनरल बिपिन रावत यांच्यासह लष्कराचे तीन जवान होते. जमिनीपासून सुमारे २० फूट उंचीवर इंजिन बंद पडल्यावर हेलिकॉप्टरने उड्डाण घेतले होते. त्यानंतर हेलिकॉप्टर कोसळले होते. त्यातील सर्वजण किरकोळ जखमी झाले होते.

LIVE : सैन्याचे हेलिकॉप्टर कोसळले; केंद्रीय मंत्रिमंडळाच्या सुरक्षा समितीची बैठक होणार

तामिळनाडूच्या कुन्नूरमध्ये हेलिकॉप्टर कोसळून झालेल्या दुर्घटनेत आतापर्यंत १४ पैकी १३ जणांचा मृत्यू झाल्याचं वृत्त एएनआयने दिलं आहे. डीएनए चाचणीनंतर मृतदेहांची ओळख पटवली जाणार आहे.

Bipin Rawat Helicopter Crash: बिपीन रावत यांच्यासाठी अवघ्या देशाची प्रार्थना; दुर्घटनेबाबत महत्त्वाची माहिती आली समोर

चीफ ऑफ डिफेन्स स्टाफ (CDS) जनरल बिपीन रावत, त्यांची पत्नी मधुलिका रावत आणि त्यांच्या कुटुंबातील काही सदस्य देखील दुर्घटनाग्रस्त हवाई दलाच्या या Mi17-V5 हेलिकॉप्टरमध्ये होते. हेलिकॉप्टर काही वेळातच उतरणार होते, असे सांगण्यात येत आहे. लष्कराचे वरिष्ठ अधिकारीही अपघातस्थळी पोहोचले आहेत. हेलिकॉप्टरमधून वाचवण्यात आलेले काही जण गंभीररित्या जळाले होते, असं मीडिया रिपोर्ट्मधून सांगण्यात आलं.