मुलाकडे ३० कोटींची संपत्ती, पण आम्हाला शिळी चपाती देतो, IAS च्या आजी-आजोबांनी आयुष्य संपवलं

चंदिगड: माझी मुलं मला कोरडी चपाती खायला देतात, हे गोड विष मी किती दिवस खाल्लं असतं. म्हणून मी सल्फासच्या गोळ्या खाल्ल्या. आपल्याच मुलांच्या जाचाला कंटाळून आत्महत्या केलेल्या वृद्ध दाम्पत्याने सुसाईड नोटमध्ये लिहिलेही ही मन हेलावणारी कहाणी वाचून कोणाच्याही डोळ्यात पाणी येईल. हे हृदय पिळवटून टाकणारं प्रकरण हरियाणातील चखरी दादरी येथील आहे. जिथे एका वृद्ध जोडप्याने विष प्राशन करून आपले जीवन संपवले.

ही कहाणी आयएएस विवेक आर्य यांच्या आजी-आजोबांची आहे. ते सध्या प्रशिक्षणार्थी IAS अधिकारी आहेत. विवेक आर्य यांनी २०२१ मध्ये UPSC, CSC परीक्षा उत्तीर्ण केली.

प्रसुतीकळांनी विव्हळणाऱ्या गर्भवतीला दोन रुग्णालयात सुविधांअभावी नकार, वाटेतच मृत बाळाचा जन्म
संपूर्ण प्रकरण काय?

चखरा दादरी येथील बधडा येथे राहणारे ७८ वर्षीय जगदीशचंद्र आर्य आणि ७७ वर्षीय भागाली देवी हे मुलगा वीरेंद्र आर्य यांच्यासोबत राहात होते. त्यांनी गुरुवारी (३० मार्च) रात्री विषारी द्रव्य प्राशन करून आत्महत्या केली आहे. त्यापूर्वी त्यांनी सुसाईड नोटही लिहून ठेवली. तसेच, फोन करून पोलिसांना आत्महत्या करत असल्याची माहितीही दिली.


फोन येताच पोलिसांनी तात्काळ घटनास्थळ गाठलं, त्यांना जगदीश चंद्र यांची प्रकृती खालावलेली दिसली, तेव्हा त्यांनी तात्काळ त्यांना खासगी रुग्णालयात दाखल केले. यानंतर त्यांना दादरी सिव्हिल हॉस्पिटलमध्ये नेण्यात आले. मात्र, येथे डॉक्टरांनी जगदीश चंद्र आणि त्यांच्या पत्नीला मृत घोषित केले.

पोलिसांना घरात सापडलेल्या सुसाईड नोटमध्ये जगदीश चंद्र यांनी लिहिले आहे की, "माझ्या मुलाची बधडा येथे ३० कोटींची संपत्ती आहे. परंतु, तरीही त्याच्याकडे मला देण्यासाठी एक चपाती नाही. घरातून बेदखल केल्यानंतर जगदीश चंद्र यांनी दोन वर्षे वृद्धाश्रमात घालवली होती, त्या दरम्यान त्यांच्या पत्नीला अर्धांगवायू झाला. परत, आल्यानंतर त्यांच्या दुसऱ्या मुलाने त्यांना काही काळ सांभाळलं. पण, काही काळाने या दाम्पत्याला त्यांच्याच कुटुंबीयांनी शिळी चपाती देण्यास सुरुवात केली. जगदीश चंद्र पुढे लिहितात की, त्यांना खायला शिळी चपाती देण्यात यायची. हे गोड विष किती काळ खायचं, म्हणूनच आम्ही सल्फासची गोळी खाल्ली.

पोटात काकडी अडकली, तो म्हणतो- कदाचित माझ्या पोटातच वाढली असेल; डॉक्टरही हैराण
या प्रकरणाची दखल घेत हरियाणा पोलिसांनी कुटुंबातील ४ जणांविरुद्ध गुन्हा दाखल केला आहे. या प्रकरणाचा तपास सुरू करण्यात आल्याचे डीएसपी वीरेंद्र शेओरान यांनी सांगितले.