रोहिंग्या स्थायिक झाल्यास आणखी १० काश्मीर: रामदेव

नवी दिल्ली:

आसाममधील एनआरसीचा मुद्दा आणि त्यानंतर रोहिंग्यांविषयी संसदेत झालेल्या चर्चेनंतर या मुद्द्यांवर योगगुरू बाबा रामदेव यांनीही आवाज उठवला आहे. रोहिंग्या अवैधपणे भारतात स्थायिक झाले तर आणखी दहा काश्मीर तयार होतील, असं परखड मत त्यांनी व्यक्त केलं.

बाबा रामदेव यांनी एनआरसीच्या मुद्द्यावरही प्रश्न उपस्थित केले. 'तीन ते चार कोटी लोक भारतात अवैधरित्या राहतात. त्यात रोहिंग्याचीही भर पडली आहे. रोहिंग्या या देशात स्थायिक झाले तर भारतात आणखी दहा काश्मीर तयार होतील,' असंही ते म्हणाले. 'रोहिंग्या मोठ्या संख्येने जम्मू-काश्मीरमध्ये आश्रित म्हणून आले आहेत. देशाच्या सुरक्षेला त्यांच्यापासून धोका निर्माण झाला आहे आणि सरकार त्याच्याशी तडजोड करणार नाही,' असं याआधी गृहराज्यमंत्री म्हणाले होते.