वृत्तसंस्था, इस्लामाबाद पंतप्रधान नरेंद्र मोदी यांच्याशी पाकिस्तानचे पंतप्रधान इम्रान खान यांनी रविवारी दूरध्वनीद्वारे संवाद साधला. 'दोन्ही देशांच्या नागरिकांच्या हितासाठी एकत्र काम करण्याची इच्छा खान यांनी या वेळी व्यक्त केली,' अशी माहिती परराष्ट्र मंत्रालयाने दिली आहे. लोकसभा निवडणुकीचे निकाल लागल्यानंतर खान यांनी 'ट्विटर'वरून मोदींना शुभेच्छा दिल्या होत्या. त्यानंतर दोन दिवसांनी त्यांनी दूरध्वनीद्वारे संवाद साधून मोदींचे अभिनंदन केले आहे, अशी माहिती पाकच्या परराष्ट्र मंत्रालयाचे प्रवक्ते महंमद फैझल यांनी दिली आहे. पुढील महिन्यात किरगिस्तानमधील बिश्केक येथे होणाऱ्या 'शांघाय को-ऑपरेशन ऑर्गनायझेशन'च्या परिषदेत मोदी आणि खान यांची भेट होणार आहे. शांततेच्या मुद्द्यावर अधिक चांगली चर्चा होऊ शकेल, असे वक्तव्य एप्रिलमध्ये खान यांनी केले होते.
इम्रान खान यांनी साधला पंतप्रधान मोदींशी संवाद
वृत्तसंस्था, इस्लामाबाद पंतप्रधान नरेंद्र मोदी यांच्याशी पाकिस्तानचे पंतप्रधान इम्रान खान यांनी रविवारी दूरध्वनीद्वारे संवाद साधला...
MT 27 May 2019, 4:00 am