चार मुख्य हायकोर्टांची सूत्र महिलांच्या हाती

नवभारत टाइम्स, नवी दिल्ली

न्यायालयीन सेवांमध्ये उच्च पदांवरील पुरुषांना मागे टाकत पहिल्यांदाच देशातील सर्वात जुन्या चार प्रमुख हायकोर्टांची सूत्र महिलांच्या हाती आली आहेत. मुंबई, मद्रास, कोलकाता आणि दिल्ली या हायकोर्टाच्या न्यायमूर्ती महिला आहेत. मद्रास हायकोर्टाच्या न्यायमूर्ती म्हणून इंदिरा बॅनर्जी यांची नियुक्ती झाल्याने हा इतिहास रचला गेला.

मद्रास हायकोर्टात न्यायमूर्तींसह एकूण सहा महिला न्यायाधीश आणि ५३ पुरूष न्यायाधीश आहेत. मुंबई हायकोर्टात देशातील इतर कोर्टांच्या तुलनेत सर्वाधिक महिला आहेत. इथं ६१ पुरुष न्यायाधीश आणि ११ महिला न्यायाधीश आहेत. मुख्य न्यायमूर्ती मंजुला चेल्लूर यांच्यानंतर दुसऱ्या क्रमांकावर व्ही.एम. ताहिलरामानी या न्यायाधीश आहेत.

दिल्ली हायकोर्टाच्या मुख्य न्यायमूर्ती म्हणून २०१४ पासून जी. रोहिणी या काम पाहात आहेत. दिल्ली कोर्टात महिला न्यायाधीश ९ तर पुरुषांची संख्या ३५ इतकी आहे. इथंही दुसऱ्या क्रमांकावर गीता मित्तल या महिला न्यायाधीश आहेत.

कोलकाता हायकोर्टाच्या मुख्य न्यायमूर्ती म्हणून १ डिसेंबर २०१६ पासून निशिता निर्मल या काम पाहात आहेत. पण इथं महिला न्यायाधीशांची संख्या कमी आहे. इथं ३५ पुरुष आणि फक्त ४ महिला न्यायाधीश आहेत. असंच काहीचं चित्र सुप्रीम कोर्टात आहेत. २८ न्यायाधीशांच्या कोर्टात आर. भानुमती या फक्त एकच महिला न्यायमूर्ती आहेत.