अहमदाबाद : गुजरातमधील ओबीसी नेते व काँग्रेसचे माजी आमदार अल्पेश ठाकोर यांनी अखेर काँग्रेसला रामराम ठोकून भारतीय जनता पक्षात प्रवेश केला आहे. अल्पेश यांच्यासोबतच माजी आमदार धवलसिंह झाला यांनीही भाजपची वाट धरली आहे. राज्यसभा पोटनिवडणुकीत अल्पेश आणि धवलसिंह यांनी पक्षादेश धुडकावून भाजपच्या बाजूने मतदान केलं होते. तेव्हापासूनच हे दोघेही भाजपमध्ये जाणार हे स्पष्ट झाले होते. ठाकोर व झाला यांनी गुजरात भाजपचे अध्यक्ष जीतू वाघानी यांच्या उपस्थितीत भाजपमध्ये प्रवेश केला. अल्पेश यांना येत्या काळात गुजरात सरकारमध्ये मंत्रिपद मिळण्याची शक्यता वर्तवण्यात येत आहे.
अल्पेश ठाकोर भाजपत
गुजरातमधील ओबीसी नेते व काँग्रेसचे माजी आमदार अल्पेश ठाकोर यांनी अखेर काँग्रेसला रामराम ठोकून भारतीय जनता पक्षात प्रवेश केला आहे...
महाराष्ट्र टाइम्स.कॉम 19 Jul 2019, 4:00 am