रामपूर: ईदच्या निमित्तानं पुरुष मंडळी सहजपणे एकमेकांना मिठी मारून शुभेच्छा देतात. ही एक जुनी परंपरा आहे. एकमेकांची गळाभेट घेऊन आनंद वाटण्याची ही पद्धत उत्तर प्रदेशातील एका मुलीनं स्वीकारली आणि चर्चांना उधाण आलं. धर्मानं, समाजानं लादलेली बंधन झुगारून या तरुणीनं मॉलमध्ये आलेल्या तरुणांची गळाभेट घेत त्यांना ईदच्या शुभेच्छा दिल्या. सध्या हा व्हिडिओ सोशल मीडियावर चांगलाच व्हायरल झालाय. उत्तर प्रदेशातील मोरादाबाद येथील मॉलमध्ये चित्रपट पाहायला आलेल्या तरुण-तरुणींना चांगलच सरप्राइज मिळालं. रांगेत उभ्या असलेल्या प्रत्येकाची गळाभेट घेत ही मुलगी ईदच्या शुभेच्छा देत होती. पांढरा शर्ट आणि स्कर्टमध्ये असणारी ही मुलगी नेमकी आहे तरी कोण याचा मात्र अजून पत्ता लागला नाही. पारंपरिक मुस्लिम समाजात स्त्रीचा परपुरुषासोबत कोणत्याही प्रकारचा शारीरिक संपर्क येऊ द्यायची परवानगी नाही. परंतु, या तरुणीचे धाडस पाहून अनेकांना आश्चर्याचा धक्का बसलाय. या तरुणीची गळाभेट घेऊन शुभेच्छा देणाऱ्या एका २२ वर्षाच्या तरुणाने सांगितले की, 'आमच्यासाठी हे फार मोठे सरप्राइज होते. मोरादाबादसारख्या ठिकाणी एका मुलीने ईदच्या निमित्ताने अनोळखी तरुणांची गळाभेट घेणं...त्यांना ईदच्या शुभेच्छा देणं हा सगळा प्रकारचं आमच्यासाठी धक्कादायक आहे. आजपर्यंत कोणत्याच मुलीने इतकी हिम्मत दाखवली नव्हती. ' यूपीः मॉल परिसरात गळाभेट घेत मुलीने दिल्या ईदच्या शुभेच्छा मॉलमध्ये आलेल्या या मुलीची ओळख मात्र अद्याप पटलेली नाही. मॉलमधील सुरक्षा अधिकारी संतोष सिंह यांनी दिलेल्या माहितीनुसार, 'या मुलीची नेमकी ओळख पटलेली नाही. परंतु, सीसीटीव्हीमध्ये तिच्यासोबत आणखी दोघी मैत्रिणी होत्या. त्या मुलीनं अशी अनोळखी माणसांची गळाभेट घेणं मला अजिबात गैर वाटलं नाही. तिचा हेतू अतिशय शुद्ध होता. ती लहान मुलांदेखील मिठी मारत शुभेच्छा देत होती.'या प्रकरणाबाबत पोलीस अधिकाऱ्यांचा तपास सुरू असल्याचं त्यांनी स्पष्ट केलं. 'सोशल मीडियावर व्हायरल झालेला व्हिडिओ आम्ही पाहिला. सध्या ही मुलगी कोण आहे याचा शोध आम्ही घेत आहोत.सीसीटीव्ही फुटेजच्या मदतीने आम्ही तिचा शोध घेत आहोत' असंही त्यांनी स्पष्ट केलं.
ईद मुबारक! यूपीतील तरुणीने केले 'हे' धाडस
ईदच्या निमित्तानं पुरुष मंडळी सहजपणे एकमेकांना मिठी मारून शुभेच्छा देतात. ही एक जुनी परंपरा आहे. एकमेकांची गळाभेट घेऊन आनंद वाटण्याची ही पद्धत उत्तर प्रदेशातील एका मुलीनं स्वीकारली आणि चर्चांना उधाण आलं. धर्मानं, समाजानं लादलेली बंधन झुगारून या तरुणीनं मॉलमध्ये आलेल्या तरुणांची गळाभेट घेत त्यांना ईदच्या शुभेच्छा दिल्या. सध्या हा व्हिडिओ सोशल मीडियावर चांगलाच व्हायरल झालाय.
महाराष्ट्र टाइम्स.कॉम 19 Jun 2018, 3:45 pm