पाण्याच्या बॉटलमध्ये दारू अन् पुस्तकांमध्ये कंडोम! आठवीच्या मुला-मुलींची दप्तरं उघडताच शिक्षक चक्रावले

बंगळुरू : शाळांमध्ये शिकणाऱ्या मुलांच्या बॅगेची तपासणी केली असता असं काही समोर आलं की पाहून सगळ्यांनाच धक्का बसला. या मुलांच्या शाळेच्या बॅगमध्ये शाळा प्रशासनाला सिगारेट, लायटर, व्हाइटनर, रोख रक्कम सापडली आहे. जप्त करण्यात आलेल्या मालामध्ये अशा काही गोष्टी आहेत, ज्यांनी सर्वच हादरले. या मुलांच्या बॅगमध्ये कंडोम, गर्भनिरोधक गोळ्याही सापडल्या आहेत. इतकंच नाही तर या मुलांच्या शाळेच्या बॅग्सशिवाय त्यांच्या पिण्याच्या पाण्याच्या बाटल्यांमध्ये दारू आढळून आली आहे. जी पाण्याच्या बाटल्यांमध्ये भरली होती.

मिळालेल्या माहितीनुसार, बेंगळुरूमधील अनेक शाळांमध्ये अशा तक्रारी येत होत्या की, तेथील विद्यार्थी त्यांच्या शाळेच्या बॅगमध्ये मोबाईल लपवून वर्गात आणत आहेत. त्यामुळे अनेक शाळांमध्ये मुलांच्या दप्तरांची तपासणी करण्याचं काम सुरू होतं. इयत्ता ८वी, ९वी आणि १० वीच्या मुलांच्या शाळेच्या बॅगची झडती घेतली असता त्यात मोबाईल सापडले, मात्र कंडोमसारख्या गोष्टींनी सर्वांनाच धक्का बसला.

इथे एक जमेना अन्...! तरुणाच्या २ राज्यांमध्ये ६ बायका; कसा जमलं भाऊला? वाचाच
मुलांच्या वर्तनात बदल...

या मोहिमेचा एक भाग म्हणून शाळेच्या दप्तरांमध्ये धक्कादायक बाबी आढळून आल्यावर शाळांनी विशेष पालक-शिक्षक बैठकीचे आयोजन केले होते. यादरम्यान पालकांनाही हा प्रकार कळला. मुलांच्या वागण्यातही बदल होत असल्याची माहिती पालकांनी दिल्याचे एका शाळेच्या मुख्याध्यापकांनी सांगितले.

मुलांना समुपदेशनाचा सल्ला...

शाळा प्रशासनाने पालकांना मुलांचे समुपदेशन करण्यास सांगितले आहे. यासाठी मुलांना १० दिवसांपर्यंत सुट्टीही देण्यात आली आहे. एका शाळेच्या मुख्याध्यापकांनी सांगितले की, दहावीच्या विद्यार्थिनींच्या बॅगेत कंडोम सापडलं आहे. याबाबत तिला विचारले असता ती म्हणाली की ती खाजगी शिकवणीत शिकायला जाते. तिथेच त्याच्यासोबत असलेल्या साथीदारांनी त्याच्या बॅगेत कंडोम ठेवले असावेत.

एका खेळाडूसमोर टीम इंडियाचे सर्व फलंदाज फेल, संपूर्ण मालिकेत कोणालाच जमलं नाही!
दुसरीकडे, कर्नाटकातील प्राथमिक आणि माध्यमिक शाळांच्या असोसिएटेड मॅनेजमेंटचे सरचिटणीस डी शशी कुमार यांनी म्हटले आहे की ८० टक्के शाळांमध्ये अशी शोध मोहीम राबवण्यात आली आहे. मुलाच्या पिशवीत गर्भनिरोधक गोळ्या म्हणजेच ipil देखील सापडल्या आहेत. यासोबतच पिण्याच्या पाण्याच्या बाटलीतही दारू सापडली आहे.