प्रजासत्ताक दिन: काँग्रेस नेत्यांमध्ये हाणामारी

भोपाळ: ७१ व्या प्रजासत्ताक दिनानिमित्त देशात विविध भागांमध्ये ध्वजारोहणाचा कार्यक्रम आयोजित करण्यात आला होता. या निमित्ताने मध्य प्रदेश काँग्रेसच्या इंदूर येथील पक्ष कार्यालयात देखील ध्वजारोहण करण्यात आले. मात्र, ध्वजारोहणाचा कार्यक्रम सुरू असताना पक्षाच्या नेत्यांमध्ये हाणामारी झाल्याने या कार्यक्रमाला गालबोट लागले. हे भांडण अधिकच वाढत असल्याचे पाहून इतर कार्यकर्ते आणि पोलिसांना हस्तक्षेप करावा लागला. या नंतर कसेबसे या नेत्यांना शांत करण्यात कार्यकर्ते आणि पोलिसांना यश आले.

प्रजासत्ताक दिनी राज्यात शिवभोजन थाळी सुरू

खरे तर काँग्रेसच्या इंदूर येथील कार्यालयात मुख्यमंत्री कमलनाथ हे ध्वजारोहण करत होते. या दरम्यान पक्षाचे दोन नेते देवेंद्र सिंह यादव आणि चंदू कुंजीर यांच्यात हाणामारी सुरू झाली. या दोघांमध्ये कोणत्या कारणामुळे भांडण सुरू झाले हे मात्र अस्पष्ट आहे. मात्र हे भांडण वाढत जात असल्याचे पाहत पक्षाच्या कार्यकर्त्यांनी मध्यस्ती करण्याचा प्रयत्न. शेवटी पोलिसांनाही मध्यस्ती करावी लागली.


प्रजासत्ताक दिन: राजपथावर नेत्रदीपक संचलन

कमलनाथ हे प्रदेश काँग्रेस समितीचे अध्यक्ष देखील आहेत. गांधी भवन येथील काँग्रेस कार्यालयात ध्वजारोहण केल्यानंतर कमलनाथ यांना कार्यकर्त्यांना संबोधित करणार होते. देशाची संस्कृती आणि राज्य घटनेविरोधात जाणाचा प्रयत्न करणाऱ्या लोकांशी आपण मुकाबला केला पाहिजे असे मध्य प्रदेशचे मुख्यमंत्री कमलनाथ यांनी ७१ व्या प्रजासत्ताक दिनानिमित्त उपस्थितांना संबोधित करताना म्हणाले.

'हे' डायलॉग वाचून तुम्हालाही वाटेल अभिमान!