पाकमध्ये २८२ भारतीय कैदी; अणुकेंद्रांची माहितीही दिली

नवी दिल्ली: भारत आणि पाकिस्तानने आपआपल्या देशातील अणुकेंद्रांची एकमेकांना दिली. बुधवारी या माहितीचे आदान-प्रदान करण्यात आले. मागील २९ वर्षांपासून अशा पद्धतीने ही माहिती दोन्ही देशांमध्ये हस्तांतरीत करण्यात येते.

परराष्ट्र मंत्रालयाने दिलेल्या माहितीनुसार, ३१ डिसेंबर १९८८ रोजी दोन्ही देशांमध्ये एक करार करण्यात आला. अणुकेंद्रावरील हल्ले रोखण्याच्या करारानुसार ही यादी दोन्ही देशांनी हस्तांतरीत केली. आज सकाळी १०.३० वाजण्याच्या सुमारास ही यादी भारतीय उच्चायुक्तांना इस्लामाबादमध्ये पाकिस्तानने दिली. तर, सकाळी ११ वाजण्याच्या सुमारास नवी दिल्लीत पाकिस्तानच्या उच्चायुक्त प्रतिनिधींना भारताने यादी सोपवली असल्याची माहिती प्रसिद्धीपत्रकाद्वारे देण्यात आली आहे.

करारानुसार, दर वर्षी एक जानेवारी रोजी ही यादी दोन्ही देश हस्तातंरीत करतात. एक जानेवारी १९९२ पासून अणुकेंद्राच्या माहितीचे आदान-प्रदान केले जात आहे.

मोदींनी शेजारी देशांना दिल्या नववर्षाच्या शुभेच्छा!

भारतीय कैद्यांची यादी सुपूर्द

पाकिस्तानच्या तुरुंगात असलेले ५५ नागरिक आणि २२७ मच्छिमारांसहित २८२ भारतीय कैद्यांची यादी पाकिस्तानने भारतीय उच्चायुक्तांना सोपवली. ही यादी २१ मे २००८ रोजी पाकिस्तान आणि भारतादरम्यान झालेल्या करारानुसार देण्यात येते. दोन्ही देश एकमेकांना आपल्या तुरुंगात असलेल्या नागरिकांची माहिती देते. वर्षातून दोन वेळेस ही यादी दोन्ही देश एकमेकांना सुपूर्द करतात. करारानुसार एक जानेवारी आणि एक जुलै रोजी ही यादी दोन्ही देश एकमेकांना हस्तांतरीत करतात.

CAA विरोधी ठराव; केरळ सरकार-केंद्रात जुंपली

२०२० मध्ये गुंतवणूक करताय,मग या चुका टाळा!