लेहजवळ बांधले ३ नवे पूल, चीन सीमेवर सहज पोहोचणार रणगाडे

लडाखः भारत-चीन सीमेवरील (India-China Border Dispute) तणावा दरम्यान बॉर्डर रोड ऑर्गनायझेशन (BRO)लेहजवळ तीन महत्त्वाचे पूल बांधले. हे पूल सामरिक दृष्टीने भारतासाठी अतिशय महत्त्वाचे आहेत. कारण चीनशी सुरू असलेल्या तणावामुळे या पुलांवरून लष्कराचे रणगाडे प्रत्यक्ष ताबा रेषेवर (LAC) सहज पोहोचवता येणार आहेत.

बीआरओ ही भारत सरकारची एक संस्था आहे. ही संस्था आपल्या देशाच्या सीमावर्ती भागांमध्ये रस्ते बांधते. यासह शेजारी देशांमधील रस्ते बांधणीचे कामही ही संस्था करते. NH1 वर बनवण्यात आलेले तिन्ही पूल फक्त तीन महिन्यांत तयार करण्यात आले आहेत. हे पूल कित्येक टन वजन पेलू शकतात. या पुलांमुळे भारतीय लष्करासह नागरिकांनाही आता वाहतुकीत कुठलीह अडचण येणार नाहीए.

भारत-चीनमधील सीमावादाचे मोठं कारण म्हणजे भारताकडून सीमा भागात वेगाने बांधण्यात रस्ते. चीन आपल्या भागांमध्ये बांधकाम करतोय. पण त्याचवेळी भारताने आपल्या सीमेत रस्ते आणि इतर पायभूत सुविधांचे बांधकाम सुरू केल्याने चीनला याची मिरची झोंबलीय. भारताच्या बांधकामावर चीनने आक्षेप घेतला आहे.

चीन झुकण्यामागे NSA अजित डोवल कनेक्शन! रात्री दोन तास चालली चर्चा

गलवानमध्ये चीनला मागे हटवण्यात भारताची 'ही' रणनिती आली कामी!

आक्षेपांचा काहीही संबंध नाही

लडाख सेक्टरमध्ये भारताकडून रस्ते बांधण्यात येत आहेत. यावर चीनने आक्षेप घेतला आहे. बीआरओचा या आक्षेपांशी काही संबंध नाही. जे काही काम आम्हाल दिलं जातं ते आम्ही लवकरात लवकर पूर्ण करतो, असं बीआरओचे अधिकारी बी. किशन यांनी सांगितलं.


वर्षभरापूर्वी बनवलेल्या रस्त्याने चीन चिंतेत

लडाखमध्ये दारबुक-श्योक-दौलत बेग ओल्डी रोड हा मैदनी भाग डेपसांग आणि गलवान खोऱ्यापर्यंत पोहोचतो. हा रस्ता बीआरओने बनवला आहे. याच बीआरओने एक वर्षापूर्वी दारबुक-श्योक-दौलत बेग ओल्डी या रस्त्याचे बांधकाम पूर्ण केले होते.