चीनला कडाक्याच्या थंडीतही चोख प्रत्युत्तर मिळणार, जवानांना मिळाले खास कपडे

नवी दिल्लीः सियाचीनप्रमाणेच, एलएसीवर ( indian troops at lac ) असलेल्या तणावाच्या पार्श्वभूमीवर पूर्व लडाखमधील ( india china standoff ) थंडीतही भारताने आपले जवान तैनात केले आहेत. दरम्यान, कडाक्याच्या थंडीत घालण्यात येणाऱ्या कपड्यांची ( cold weather clothing ) पहिली खेप भारतीय सैन्याला अमेरिकेकडून मिळाली आहे. 'अमेरिकेच्या सुरक्षा दलांकडून अत्यंत थंड वातावरणात परिधान करण्यात येणाऱ्या कपड्यांची पहिली खेप आता आली आहे आणि आपले जवान एलएसीवर त्यांचा वापर करत आहेत', असं सरकारच्या सूत्रांनी सांगितल्याचं वृत्त ‘एएनआय’ने दिलं आहे.

सियाचीनमध्ये पश्चिम आघाडीवर आणि पूर्व लडाख सेक्टरमध्ये तैनात असलेल्या जवानांकरता अत्यंत थंड हवामानातील कपड्यांपैकी ६० हजारांचा साठा या जवानांसाठी कायम राखून ठेवण्यात येतो. एलएसीवरील चीनची आक्रमकता लक्षात घेता या भागात सुमारे ९० हजार जवान तैनात आहेत. यामुळे यंदा ३० हजार अतिरिक्त कपड्यांची आवश्यकता होती.

चीन अस्वस्थ; तीन बलाढ्य देशांच्या नौदलासोबत समुद्रात उतरला भारत

कडाक्याच्या थंडीतील कपड्यांच्या खरेदीमुळे हाडं गोठवणाऱ्या लडाख थंड हवामानात तैनात असलेल्या भारतीय लष्कराच्या जवानांना यामुळे मदत होईल.

'भारत माता की जय' बोलल्याने काहींना ताप येतोः PM मोदी

एलएसीवर भारताने दोन अतिरिक्त डिव्हीजन तैनात केल्या आहेत. यासाठी मैदानी भाग आणि माउंटन डिव्हीजनच्या जवानांना एलएसीवर तैनात करण्यात आलं आहे. या जवानांना गेल्या अनेक वर्षांपासून उंच भागात मोहीमा करण्याचे प्रशिक्षण दिले गेले आहे.

भारत अमेरिकेतून अनेक प्रकारची सैन्य उपकरणं घेत आहेत. यात लष्कराच्या जवानांसाठी सिग सॉर असॉल्ट रायफलचाही समावेश आहे.