cowin registration : करोनावरील लसीकरण; CoWIN वर ३ तासांत ८० लाख नागरिकांची नोंदणी

नवी दिल्लीः देशात १ मेपासून करोनावरील लसीकरण मोहीमेचा तिसरा टप्पा ( vaccination registration ) सुरू होत आहे. १८ ते ४४ वर्षांच्या नागरिकांना या टप्प्यात लस दिली जाणार आहे. पण यासाठी CoWIN अॅपवर नोंदणी करणं बंधनकारक ( cowin registration ) आहे. ही नोंदणी बुधवारी २८ एप्रिलपासून दुपारी ४ वाजता सुरू झाली. या लसीकरणासाठी एका दिवसात ८० लाख नागरिकांनी नोंदणी केली.

कोविन अॅपवर पहिल्याच दिवशी मोठ्या संख्येने नागरिकांनी नोंदणी केली. पहिल्या तीन तासांत संध्याकाळी ७ वाजेपर्यंत अॅपवर ३८३ मिलिय हिट आले, अशी माहिती सरकारकडून देण्यात आली. पण लसीकरणासाठी नोंदणी सुरु होताच कोविन अॅप क्रॅश झाल्याचं वृत्त येत होतं.

लसीकरण मोहीमेच्या तिसऱ्या टप्प्यासाठी बुधवारपासून नोंदणी सुरू झाली. पहिल्या दिवशी जवळपास ८० लाख नागरिकांनी नोंदणी केली. कुठल्याही अडचणीशिवाय कोविन अपॅ काम करत होतं, असं सरकारकडून सांगण्यात आलं. कोविन प्लॅटफॉर्मवर प्रत्येक मिनिटाला जवळपास २७ लाख हिट मिळत आहेत, अशी माहिती सरकारशी संबंधी सूत्रांनी दिली.

serum institute : गुड न्यूज! सीरमने लसची किंमत १०० रुपयांनी कमी केली, पुनावालांची माहिती

india coronavirus : 'देशाला मुर्खात काढणाऱ्या या सरकारविरोधात जनतेने बंड केले पाहिजे'

देशात १८ ते ४४ वर्षातील नागरिकांची लोकसंख्या ही ५९.५ कोटी आहे. आतापर्यंत अनेक राज्यांनी १८ वर्षांवरील नागरिकांना करोनावरील लसीकरण मोफत करण्याची घोषणा केली आहे. देशात आतापर्यंत १४.७८ कोटी नागरिकांचे लसीकरण झाले आहे. तर गेल्या २४ तासांत २५ लाखाहून अधिक नागरिकांना लसीचा डोस दिला गेला. महाराष्ट्रात १.३० कोटी, राजस्थानमध्ये १.०५ कोटी, यूपीत ९९.५ लाख नागरिकांना लस दिली गेली आहे.

oxygen crisis : सरकार १ लाख पोर्टेबल ऑक्सिजन कॉन्सेन्ट्रेटर्स खरेदी करणार, PM मोदींची मंजुरी