वृत्तसंस्था, गांधीनगरः करोना संकट पुन्हा घोंघावू लागल्याच्या पार्श्वभूमीवर चीन, जपान, दक्षिण कोरिया, सिंगापूर आणि थायलंडमधून भारतात येणाऱ्या प्रवाशांसाठी आरटीपीसीआर चाचणी सक्तीची करण्यात आली आहे. केंद्रीय आरोग्यमंत्री मनसुख मांडविया यांनी शनिवारी ही माहिती दिली. याशिवाय या देशांमधून येणाऱ्या प्रवाशांचे तापमान तपासले जाणार असून, तापसदृश लक्षणे दिसल्यास त्यांना विलगीकरणात राहावे लागणार आहे.
चीन, जपान, दक्षिण कोरिया, सिंगापूर आणि थायलंडमधून येणाऱ्या प्रवाशांना ‘एअर सुविधा’ फॉर्ममध्ये आरोग्याशी निगडित तपशील द्यावा लागणार असून, आरटीपीसीआर चाचणीचा अहवाल आधी जोडावा लागणार आहे. भारतात आल्यानंतर त्यांची तपासणी होऊन तापसदृश लक्षणे आढळल्यास त्यांना विलग केले जाईल, असे त्यांनी स्पष्ट केले. करोनाबाबत घेण्याच्या काळजीच्या सूचना जारी करण्यात आला असून वृत्तपत्रांतील जाहिरातींद्वारे नागरिकांना माहिती देण्याचा प्रयत्न असेल. याशिवाय मास्कचा वापर, सुरक्षित अंतर आणि करोना प्रतिबंधाच्या नियमांचे पालन करण्याबाबतही सांगण्यात आले असल्याचे ते म्हणाले. याशिवाय चीन, हाँगकाँग, बँकॉक, जपान, दक्षिण कोरियातून येणाऱ्या प्रवाशांच्या प्रातानिधिक स्वरूपात चाचण्याही करण्यास सुरुवात करण्यात आली असून करोना रोखण्यासाठी खबरदारी घेण्यात येत आहे, असे त्यांनी नमूद केले.
‘ऑक्सिजन, व्हेंटिलेटरची सज्जता ठेवा’
नवी दिल्ली : जगभरातील काही देशांमध्ये करोनास्थिती बिकट होत असल्याच्या पार्श्वभूमीवर देशातील आरोग्य सुविधांच्या सज्जतेची तपासणी केली जात आहे. द्रवरूपातील वैद्यकीय ऑक्सिजन, ऑक्सिजन सिलिंडर आणि व्हेंटिलेटरसारख्या जीवरक्षकप्रणालींची सज्जता ठेवण्याच्या सूचना शनिवारी केंद्राने राज्यांना केल्या आहेत. वैद्यकीय पायाभूत सुविधांची उपलब्धता आणि तपासणी महत्त्वाची असून देशात तूर्त करोना रुग्णांची संख्या नियंत्रणात असली तरी सज्जता गरजेची आहे, असे अतिरिक्त आरोग्य सचिव मनोहर अग्नानी यांनी राज्यांना पाठवलेल्या पत्रात नमूद केले आहे. वैद्यकीय वापराच्या ऑक्सिजनचे प्लाण्ट पूर्ण क्षमतेने कार्यरत राहतील, यासाठी प्रयत्न करावेत, तसेच रुग्णालयांना ऑक्सिजनचा अखंड पुरवठा होईल, याची काळजी घ्यावी, असे पत्रात स्पष्ट करण्यात आले आहे.
चीन, जपान, दक्षिण कोरिया, सिंगापूर आणि थायलंडमधून येणाऱ्या प्रवाशांना ‘एअर सुविधा’ फॉर्ममध्ये आरोग्याशी निगडित तपशील द्यावा लागणार असून, आरटीपीसीआर चाचणीचा अहवाल आधी जोडावा लागणार आहे. भारतात आल्यानंतर त्यांची तपासणी होऊन तापसदृश लक्षणे आढळल्यास त्यांना विलग केले जाईल, असे त्यांनी स्पष्ट केले. करोनाबाबत घेण्याच्या काळजीच्या सूचना जारी करण्यात आला असून वृत्तपत्रांतील जाहिरातींद्वारे नागरिकांना माहिती देण्याचा प्रयत्न असेल. याशिवाय मास्कचा वापर, सुरक्षित अंतर आणि करोना प्रतिबंधाच्या नियमांचे पालन करण्याबाबतही सांगण्यात आले असल्याचे ते म्हणाले. याशिवाय चीन, हाँगकाँग, बँकॉक, जपान, दक्षिण कोरियातून येणाऱ्या प्रवाशांच्या प्रातानिधिक स्वरूपात चाचण्याही करण्यास सुरुवात करण्यात आली असून करोना रोखण्यासाठी खबरदारी घेण्यात येत आहे, असे त्यांनी नमूद केले.
‘ऑक्सिजन, व्हेंटिलेटरची सज्जता ठेवा’
नवी दिल्ली : जगभरातील काही देशांमध्ये करोनास्थिती बिकट होत असल्याच्या पार्श्वभूमीवर देशातील आरोग्य सुविधांच्या सज्जतेची तपासणी केली जात आहे. द्रवरूपातील वैद्यकीय ऑक्सिजन, ऑक्सिजन सिलिंडर आणि व्हेंटिलेटरसारख्या जीवरक्षकप्रणालींची सज्जता ठेवण्याच्या सूचना शनिवारी केंद्राने राज्यांना केल्या आहेत. वैद्यकीय पायाभूत सुविधांची उपलब्धता आणि तपासणी महत्त्वाची असून देशात तूर्त करोना रुग्णांची संख्या नियंत्रणात असली तरी सज्जता गरजेची आहे, असे अतिरिक्त आरोग्य सचिव मनोहर अग्नानी यांनी राज्यांना पाठवलेल्या पत्रात नमूद केले आहे. वैद्यकीय वापराच्या ऑक्सिजनचे प्लाण्ट पूर्ण क्षमतेने कार्यरत राहतील, यासाठी प्रयत्न करावेत, तसेच रुग्णालयांना ऑक्सिजनचा अखंड पुरवठा होईल, याची काळजी घ्यावी, असे पत्रात स्पष्ट करण्यात आले आहे.