मुंबईत १३-१४ जूनला मान्सूनची हजेरी : IMD

ऑनलाइन वृत्त । नवी दिल्ली

यंदा देशभरात सरासरीच्या ९८ टक्के पाऊस पडेल, असा सुधारित अंदाज भारतीय हवामान खात्याने (IMD) आज जाहीर केला. यावर्षीचा संपूर्ण ऋतुतला पाऊस सामान्य म्हणजे ९६ ते १०४ टक्के इतका असेल अशी माहिती हवामान विभागाने दिली. मुंबईत यंदा मान्सूनचे आगमन १३ ते १४ जूनपर्यंत लांबणार असल्याचेही यावेळी सांगण्यात आले.

भारतीय हवामान विभागाचे संचालक के. जी. रमेश यांनी पत्रकार परिषदेत ही माहिती दिली. ८ जूनला गोव्यात तर १३-१४ जूनला मुंबईत मान्सून हजेरी लावेल अशी शक्यताही हवामान विभागाने वर्तवली आहे. मध्य भारतात सरासरीच्या १०० टक्के, दक्षिण भारतात ९९ टक्के तर उत्तर-पश्चिम भागात ९६ टक्के पावसाचा अंदाज वर्तवण्यात आला आहे. जुलै महिन्यात देशात सरासरीच्या ९६ टक्के पाऊस पडेल, तर ऑगस्टमध्ये हे प्रमाण ९९ टक्के राहील.