भारतीय लष्कराचा म्यानमार सीमेवर 'स्ट्राइक'

मटा ऑनलाइन वृत्त । नवी दिल्ली

गेल्या वर्षी पाकव्याप्त काश्मीरमध्ये 'सर्जिकल स्ट्राइक' करून दहशतवाद्यांचे तळ उद्ध्वस्त करणाऱ्या भारतीय लष्कराने आज म्यानमारच्या सीमेवरील नागा दहशतवाद्यांचे तळ नेस्तनाबूत केले. पहाटे पाचच्या सुमारास लांग्खू गावात दहशतवाद्यांच्या कॅम्पवर हल्ला करण्यात आल्याची माहिती लष्कराच्या ईस्टर्न कमांडने दिली आहे. विशेष म्हणजे सीमापार न करताच लष्कराने हे सर्जिकल स्ट्राइक केलं आहे.

भारतीय लष्कराने आज पहाटे पावणे पाच वाजता म्यानमारमध्ये घुसून सर्जिकल स्ट्राईक केला. यामध्ये नॅशनल सोशालिस्ट काऊन्सिल ऑफ नागालँड खापलांगच्या दहशतवाद्यांचे तळ नेस्तानाबूत करण्यात आले. भारतीय लष्कारानेही या सर्जिकल स्ट्राइकची पृष्टी केली आहे. २७ सप्टेंबर रोजी पहाटे भारत-म्यानमार सीमेवर लष्कराच्या एका तुकडीवर काही दशतवाद्यांनी हल्ला केला. त्यामुळे भारतीय लष्कराने त्यांना जशास तसे उत्तर दिले. या हल्ल्यात मोठ्या प्रमाणावर दहशतवादी ठार झाले आहेत. या हल्ल्यात भारताचं काहीच नुकसान झालं नाही. भारताने सीमेच उल्लंघनही केलं नाही, असं लष्करानं स्पष्ट केलं आहे.

भारताने या आधी जुनमध्ये २०१५ मध्ये एनएससीएन-के च्या १५ दहशतवाद्यांना ठार केलं होतं. त्यावळी मणिपूरमध्ये या दहशतवाद्यांनी केलेल्या हल्ल्यात भारताचे १८ जवान शहीद झाले होते. पाकिस्तानवर केलेल्या सर्जिकल स्ट्राईकच्या वर्षपूर्तीच्या दोन दिवस आधी हा दुसरा सर्जिकल स्ट्राईक करण्यात आला आहे.

Heavy casualties reportedly inflicted on NSCN(K) cadre. No casualties suffered by Indian Security Forces — EasternCommand_IA (@easterncomd) September 27, 2017