नवी दिल्ली:
तिन्ही संरक्षण दलात अधिकाऱ्यांची कमतरता असतानाच भारतीय सैन्य दलाला सोडचिठ्ठी देण्याचं अधिकाऱ्यांचं प्रमाणही काही कमी होताना दिसत नाही. गेल्या तीन वर्षात २१०० अधिकाऱ्यांनी लष्कराची नोकरी सोडली आहे. तर तिन्ही सैन्यदलात एकूण ७८ हजार २९१ पदे रिक्त आहेत. त्यापैकी ९ हजार ४२७ पदे अधिकाऱ्यांची असल्याची माहिती समोर आली आहे.
राज्यसभेत विचारण्यात आलेल्या एका प्रश्नाला उत्तर देताना संरक्षण राज्यमंत्री श्रीपाद नाइक यांनी ही माहिती दिली. तिन्ही सैन्यदलात नियमित भरती प्रक्रिया सुरू आहे. लष्करात अधिकाऱ्यांची कमतरता असून ही उणीव भरून काढण्यासाठी केंद्र सरकारकडून प्रयत्न सुरू आहेत. तरुणांनी लष्करात भरती व्हावं म्हणून जागृती अभियान राबविलं जात आहे. संरक्षणविषयक प्रदर्शन भरवलं जातं आहे. प्रसिद्धी केली जात आहे. मीडियाच्यामाध्यमातूनही प्रचार केला जात आहे, असं नाइक म्हणाले. तिन्ही सैन्यदलातील पदोन्नतीच्या प्रक्रियेत सुधारणा केली जात असून त्यामुळे तिन्ही सैन्य दलात रोजगाराची दालन उघडली जातील, असंही त्यांनी सांगितलं.
तिन्ही सैन्यदलात एकूण ७८ हजार २९१ पदे रिक्त आहेत. लष्करात अधिकाऱ्यांची ५० हजार ३१२ पदे आहेत. त्यात ४२ हजार ९१३ पदांवरच अधिकारी नियुक्त आहेत. म्हणजे लष्करात ७३९९ पदेच रिक्त आहेत. नौदलात अधिकाऱ्यांची एकूण ११ हजार ५५७ पदे आहेत. त्यातील १० हजार १२ पदांवर अधिकारी नियुक्त असून नौदलात अधिकाऱ्यांची १५४५ पदे रिक्त आहेत. हवाई दलात एकूण १२ हजार ६२५ पदे रिक्त असून त्यात अधिकारी श्रेणीची ४८३ पदे रिक्त आहेत. म्हणजे या तिन्ही दलात अधिकारीपदाची ९ हजार ४२७ पदे रिक्त असल्याचं उघड झालं आहे.
तिन्ही संरक्षण दलात अधिकाऱ्यांची कमतरता असतानाच भारतीय सैन्य दलाला सोडचिठ्ठी देण्याचं अधिकाऱ्यांचं प्रमाणही काही कमी होताना दिसत नाही. गेल्या तीन वर्षात २१०० अधिकाऱ्यांनी लष्कराची नोकरी सोडली आहे. तर तिन्ही सैन्यदलात एकूण ७८ हजार २९१ पदे रिक्त आहेत. त्यापैकी ९ हजार ४२७ पदे अधिकाऱ्यांची असल्याची माहिती समोर आली आहे.
राज्यसभेत विचारण्यात आलेल्या एका प्रश्नाला उत्तर देताना संरक्षण राज्यमंत्री श्रीपाद नाइक यांनी ही माहिती दिली. तिन्ही सैन्यदलात नियमित भरती प्रक्रिया सुरू आहे. लष्करात अधिकाऱ्यांची कमतरता असून ही उणीव भरून काढण्यासाठी केंद्र सरकारकडून प्रयत्न सुरू आहेत. तरुणांनी लष्करात भरती व्हावं म्हणून जागृती अभियान राबविलं जात आहे. संरक्षणविषयक प्रदर्शन भरवलं जातं आहे. प्रसिद्धी केली जात आहे. मीडियाच्यामाध्यमातूनही प्रचार केला जात आहे, असं नाइक म्हणाले. तिन्ही सैन्यदलातील पदोन्नतीच्या प्रक्रियेत सुधारणा केली जात असून त्यामुळे तिन्ही सैन्य दलात रोजगाराची दालन उघडली जातील, असंही त्यांनी सांगितलं.
तिन्ही सैन्यदलात एकूण ७८ हजार २९१ पदे रिक्त आहेत. लष्करात अधिकाऱ्यांची ५० हजार ३१२ पदे आहेत. त्यात ४२ हजार ९१३ पदांवरच अधिकारी नियुक्त आहेत. म्हणजे लष्करात ७३९९ पदेच रिक्त आहेत. नौदलात अधिकाऱ्यांची एकूण ११ हजार ५५७ पदे आहेत. त्यातील १० हजार १२ पदांवर अधिकारी नियुक्त असून नौदलात अधिकाऱ्यांची १५४५ पदे रिक्त आहेत. हवाई दलात एकूण १२ हजार ६२५ पदे रिक्त असून त्यात अधिकारी श्रेणीची ४८३ पदे रिक्त आहेत. म्हणजे या तिन्ही दलात अधिकारीपदाची ९ हजार ४२७ पदे रिक्त असल्याचं उघड झालं आहे.